U sudzie Ivacevickaha rajona siońnia abviaścili vierdykt pa hučnaj kryminalnaj spravie ab zabojstvie i zamachu na zabojstva ŭčastkovych inśpiektaraŭ miascovym žycharom, paviedamiŭ BiełTA staršy prakuror adździeła prakuratury Bresckaj vobłaści Hienadź Bury.
Vyjaznoje pasiadžeńnie kalehii pa kryminalnych spravach Bresckaha abłasnoha suda vyniesła vyznačeńnie ŭ dačynieńni da mužčyny 1961 hoda naradžeńnia. «Jon vyzvaleny ad kryminalnaj adkaznaści. Da jaho buduć užytyja miery biaśpieki ŭ vyhladzie prymusovaha lačeńnia ŭ psichijatryčnym stacyjanary sa strohim nazirańniem», - skazaŭ prakuror.
Sprava razhladałasia ŭ adsutnaść abvinavačanaha, jaki ŭ ciapierašni čas znachodzicca ŭ śledčym izalatary.
Trahiedyja ŭ vioscy Babrovičy adbyłasia 17 žniŭnia minułaha hoda. Miascovy žychar adkryŭ stralbu z ahniastrelnaj zbroi pa učastkovych, jakija pravodzili płanavuju pravierku paradku zachoŭvańnia zbroi. U vyniku 42-hadovy milicyjanier byŭ śmiarotna paranieny, jaho małodšy kaleha atrymaŭ surjoznyja traŭmy. Treci milicyjant padčas stralby paśpieŭ schavacca za bietonnym płotam.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ138
Kamientary