Zimovaje spartyŭnaje śviata «Minskaja łyžnia» adbudziecca siońnia na łyžarolernaj trasie ŭ staličnym mikrarajonie Viaśnianka, piša BiełTA.
Pieršy start budzie dadzieny ŭ 11.00. U estafietnaj honcy 4ch3 km voźmuć udzieł kamandy Administracyi Prezidenta, Savieta Ministraŭ, abłvykankamaŭ, Minskaha harvykankama, Viarchoŭnaha suda, Kanstytucyjnaha suda, Kiraŭnictva spravami Prezidenta, Pałaty pradstaŭnikoŭ, Nacyjanalnaha alimpijskaha kamiteta, ŚMI (usiaho 20 kvartetaŭ).
Arhanizatary u 2019 hodzie źmianili farmat «Minskaj łyžni» i prapanavali prabiehčy ŭdzielnikam 3 km z dvuma ahniavymi rubiažami. Stralba (piać strełaŭ biez dadatkovych patronaŭ) budzie arhanizavana z adlehłaści 45 m sa stanovišča ležačy z małakalibiernaj vintoŭki pa bijatłonie mišeniach dyjamietram 11,5 sm.
Ustanoŭki dla stralby buduć raźmieščany na adnym z futbolnych paloŭ FK «Minsk».
Praciahniecca śviata ŭ 12.20 bijatłonnaj honkaj z masavaha startu na 1,5 km siarod žančyn. Zabieh atrymaŭ nazvu «Uzychodziačyja zorki».
Dalej u 12.45 u estafietnaj honcy 4ch3 km startujuć kamandy siłavych ministerstvaŭ i viedamstvaŭ. U 13.30 pačniecca zabieh 4ch1,5 km z udziełam kamand centralnych aparataŭ ministerstvaŭ i viedamstvaŭ, štatnaja kolkaść jakich składaje ad 100 čałaviek i bolš, u 14.00 startujuć pradstaŭniki ministerstvaŭ i viedamstvaŭ kolkaściu da 100 čałaviek.
U 14.30 na start vyjduć zbornyja VNU ŭ estafiecie 4ch2,5 km.
U 15.15 u Viaśniancy pačniecca masavy start u łyžnych honkach na 2,5 km. Usie ŭdzielniki, jakija pryjduć da finišu, atrymajuć pamiatnyja miedali.
Arhanizatary čakajuć na «Minskaj łyžni» bolš za 5 tys. udzielnikaŭ.
Dla zaŭziataraŭ na praciahu ŭsiaho dnia kala łyžarolernaj trasy praduhledžany zony aktyŭnaści, kulturna-zabaŭlalnaja prahrama, abstalavany punkty haračaha charčavańnia.
U suviazi z praviadzieńniem śviata ad 9.00 da 17.30 pavialičana kolkaść aŭtobusaŭ na maršrutach №1 i 133, arhanizavana praca časovaha tralejbusnaha maršrutu №10D «DS Viaśnianka - st.m. Puškinskaja».
Zavadčanin Ihar, jaki viartaŭsia dadomu buchim, upieršyniu ŭ žyćci jedzie za miažu. A jašče jon chałasty7
Kamientary