Na sustrečy sa svaimi prychilnikami na Mienskaj mižnarodnaj knižnaj vystavie nobeleŭskaja laŭreatka paviedamiła, što ŭ sakaviku pasiedžańni «Intelektualnaha klubu» adnoviacca. I pieršymi haściami buduć viadomy amerykanski historyk Cimaci Snajder i biełaruski «ajcišnik» Viktar Prakapienia, piša radyjo «Svaboda».
«Što da pierapynku ŭ pracy «Intelektualnaha klubu», prabačcie mianie, ale letaś ja chvareła. Ale z sakavika my pačynajem. Spadziajusia, adkryje novy sezon Cimaci Snajder — jon mnie paabiacaŭ. Nastupnym hościem budzie biełarus Viktar Prakapienia. Jon raspaviadzie pra budučyniu, jakaja mianie pałochaje», — raspaviała Śviatłana Aleksijevič.
Nabilantka padzialiłasia dośviedam, jak jana niadaŭna była ŭ aeraporcie ŭ narveskim Osła.
«Dziakuj Bohu, ja była ź pierakładčycaj. U aeraporcie amal niama ludziej, jakija absłuhoŭvajuć pasažyraŭ — rehistrujuć usio aŭtamaty. A chutka zusim ludziej nia budzie — usio buduć rabić robaty».
Śviatłana Aleksijevič paabiacała svaim prychilnikam, što budzie arandavać dla pasiedžańniaŭ «Intelektualnaha klubu» samuju vialikuju zalu (na knižnaj vystavie, dzie prachodziła sustreča, zala nie mahła ŭmiaścić usich achvotnych sustrecca z nobeleŭskaj laŭreatkaj).
***
Cimaci Snajder — viadomy amerykanski historyk, prafesar Jelskaha ŭniversytetu, admysłoŭca pa historyi Ŭschodniaj Eŭropy, i ŭ pryvatnaści, Biełarusi, Ukrainy, Litvy, Polščy i Rasiei novaha času. Daśleduje prablemy nacyjanalizmu, tatalitaryzmu, Hałakostu.
Viktar Prakapienia — adzin z samych paśpiachovych biełaruskich IT-biznesoŭcaŭ, vykanaŭčy dyrektar kampanii VP Capital, adzin ź inicyjataraŭ i raspracoŭščykaŭ «Dekreta ab ličbavaj ekanomicy».
Raniej haściami «Intelektualnaha klubu» byli litaratary Volha Siedakova, Ŭładzimier Sarokin, Ludmiła Ŭlickaja, historyk Ruta Vanahajcie, režyser Alaksandar Sakuraŭ, palitolah Stanisłaŭ Białkoŭski dy inšyja.
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj55
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2424
Kamientary