Demakraty i respublikancy ŭ kanhresie dasiahnuli papiarednich damoŭlenaściej pa pytańni achovy paŭdniovych miežaŭ ZŠA. Heta pavinna dapamahčy paźbiehnuć čarhovaha prypynieńnia pracy ŭradavych ustanoŭ 15 lutaha, kali skončycca adpuščany na pieramovy termin.
Jak paviedamiŭ žurnalistam sienatar ad respublikancaŭ Ryčard Šełbi, kanhresmienam udałosia dasiahnuć damoŭlenaściej na zakrytaj sustrečy, jakaja praciahvałasia da poźniaha viečara. Pavodle jaho słoŭ, detali pahadnieńnia stanuć viadomyja paźniej.
Pakul niezrazumieła, ci padtrymaje hetaje pahadnieńnie prezident ZŠA Donald Tramp, jaki ŭ aŭtorak vystupaje pierad svaimi prychilnikami ŭ Techasie. «My ŭ lubym vypadku budujem ścianu», - zajaviŭ jon.
Udzielniki pieramovaŭ spadziavalisia zaklučyć pahadnieńnie da paniadziełka, kab dać kanhresu čas dla pryniać zakon ab biudžecie da piatnicy, adnak pieramovy zajšli ŭ tupik.
Kamientary