Učora ŭviečary ratavalniki MNS imčalisia na Sasnovuju ŭ Homieli — u adnoj z kvater išoŭ dym.
U kvatery padčas zdareńnia znachodziŭsia baćka z synam. Syna vyratavaŭ susied jašče da pryjezdu MNS, haspadaru dapamahali ratavalniki — jany znajšli jaho na padłozie ŭ pakoi, vynieśli na śviežaje pavietra i pieradali miedykam.
Znachodka čakała ratavalnikaŭ u tumbačcy: tam lažaŭ pradmiet, padobny na hranatu F-1. Z doma evakuiravali žycharoŭ — 26 čałaviek, troje ź ich dzieci, a na miesca vyjechała hrupa raźminiravańnia.
Pravierka pakazała, hranata i ŭzryvalnik — navučalnyja.
Na ščaście, nichto nie paciarpieŭ. Pryčyna pažaru vyśviatlajecca. Adna ź viersij — nieaściarožnaje abychodžańnie z ahniom pry kureńni.
0
0
0
0
0
0