Alaksandr Łukašenka nie pryjedzie na Mižnarodnuju kanfierencyju pa pytańniach biaśpieki, jakaja projdzie ŭ Miunchienie z 15 pa 17 lutaha. Hetuju infarmacyju pres-słužba forumu paćvierdziła DW ŭ čaćvier.
Na pytańnie, čamu Łukašenka vyrašyŭ admovicca ad pajezdki na forum u Miunchien, pradstaŭnik pres-słužby adkazaŭ: «Kali łaska, patelefanujcie ŭ Biełaruś i spytajcie».
Alaksandr Łukašenka jašče ni razu nie ŭdzielničaŭ u pracy Miunchienskaj kanfierencyi. Pra toje, što jon nie pryjedzie, na forumie daviedalisia jašče napiaredadni. Mierkavałasia, što 16 lutaha jon razam z prezidentam Ukrainy Piatrom Parašenkam i inšymi palitykami voźmie ŭdzieł u dyskusii pra biaśpieku va Uschodniaj Jeŭropie.
Raniej kiraŭnik Miunchienskaj kanfierencyi Volfhanh Išynhier zajaviŭ, što ŭ hetym hodzie jana stanie «najvažniejšaj i najbujniejšaj» za svaju bolš čym 50-hadovuju historyju, niahledziačy na admovu ad udziełu ŭ joj cełaha šerahu vysokapastaŭlenych palitykaŭ.
U 2019 hodzie ŭ Miunchienskaj kanfierencyi voźmuć udzieł 600 ekśpiertaŭ u śfiery palityki biaśpieki, u tym liku 35 kiraŭnikoŭ dziaržaŭ i ŭradaŭ, a taksama 80 ministraŭ abarony i zamiežnych spraŭ.
Nahadajem, Alaksandr Łukašenka znachodzicca ŭ Rasii z trochdzionnym aficyjnym vizitam. U prahramie — jaho pieramovy z Uładzimiram Pucinym.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary