Vybary ŭ Małdovie: prajeŭrapiejskija siły abyšli sacyjalistaŭ u rejtynhach, kali abjadnalisia
Prajeŭrapiejskija siły abjadnalisia i adrazu zrabili ryvok u rejtynhach. Apošnija sacyjałahičnyja apytańni pakazvajuć, što Partyja sacyjalistaŭ nie zdoleje nabrać bolšaści ŭ parłamiencie.
Małdova — parłamienckaja respublika, prezident u joj vykonvaje simvaličnyja funkcyi.
16 śniežnia, za dva miesiacy da vybaraŭ, dźvie samyja papularnyja prajeŭrapiejskija siły «Partyja dziejańnia i salidarnaści» (PAS) byłoha ministra adukacyi Mai Sandu i «Płatforma hodnaść i praŭda» (DA) byłoha prakurora Andreja Nestase abjadnalisia. Dziakujučy hetamu, jany zrabili ryvok u rejtynhach. Adzinaja palityčnaja siła atrymała nazvu «Zaraz — płatforma DA i PAS».
Jak vynikaje za apošnich apytańniaŭ hramadskaj dumki, abjadnanaja apazicyja moža raźličvać na 25% hałasoŭ. Sacyjalisty nabirajuć kala 43% hałasoŭ. Jašče 19% moža atrymać Demakratyčnaja partyja, jakuju ŭznačalvaje multymiljanier Uład Płachatniuk i jakaja ciapier kantraluje ŭrad.
Inšaja apytanka daje sacyjalistam 35% hałasoŭ, «Zaraz — płatforma DA i PAS» — 24% i 23% — Demakratyčnaj partyi.
Pry takim raskładzie prajeŭrapiejskija siły atrymajuć bolš hałasoŭ, čym prarasijskija. Adnak Małdovu čakaje składany praces farmiravańnia ŭradavaj kaalicyi.
Sacyjalisty prezidenta Dadona vystupajuć z prarasijskich pazicyj. Sandu i Nestase vystupajuć za jeŭraintehraciju Małdovy i blizkija pa svaich pohladach da Jeŭrapiejskaj narodnaj partyi. Demakratyčnaja partyja afilavanaja ź jeŭrapiejskimi sacyjalistami, krytyki abvinavačvajuć jaje ŭ absłuhoŭvańni intaresaŭ biznes-hrupy Płachatniuka.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary