Chity The Beatles pa-biełarusku prahučali na «Śpieŭnym schodzie» ŭ Vilejcy FOTY
U Vilejcy 16 lutaha prajšoŭ čarhovy «Śpieŭny schod». Jaho temaj stali pieśni The Beatles u pierakładzie na biełaruskuju movu, piša MŁYN.BY.
Ansambl hitarystaŭ «Adelita» miascovaj škoły mastactvaŭ vykanaŭ papury na chity Bitłz. Potym vystupiŭ paet i muzyka Mikita Najdzionaŭ, jaki pierakłaŭ chity viadomaha hurtu na biełaruskuju movu.
Arhanizatarka «Śpieŭnaha schodu» Eła Kuleš nie čakała takoj cikavaści da mierapryjemstva. Na «Schod» pryjšło bolš darosłych vilajčan, čym moładzi.
— Dla mianie — heta maja maładość, — padzialiŭsia z karespandentam MŁYN.BY žychar Vilejki Uładzimir. — Jašče z 1960-ch ja adčuvaŭ patrebu zrazumieć, pra što ich pieśni. I tamu, ubačyŭšy afišu mierapryjemstva, nie moh nie pryjści siudy. I heta vydatna — bo mienavita siońnia ja zrazumieŭ, jak lublu Bitłz.
Muzyka i paet Mikita Najdzionaŭ śpiecyjalna pryjechaŭ na «Śpieŭny schod» u Vilejku.
— Bitłz — heta maja samaja vialikaja luboŭ. Ja pierakłaŭ na biełaruskuju movu 16 ich piesień. Kali pierakładaješ svoj lubimy hurt, to pačynaješ razumieć jaho pa-inšamu, adkryvajučy dla siabie zusim inšuju sutnaść jaho tvorčaści, — adznačyŭ Mikita Najdzionaŭ. — Kali viedajecie matyvy — śpiavajem razam.
«Śpieŭny schod» — heta sustrečy, dzie ludzi źbirajucca razam, kab vykanać biełaruskija pieśni. U Vilejcy hety prajekt arhanizuje i pravodzić Eła Kuleš. Kožnaja sustreča tematyčnaja, dzie abjadnaŭšysia, miascovyja žychary śpiavajuć pieśni, jakija źjaŭlajucca spadčynaj biełaruskaj muzyčnaj kultury i nie tolki.
Ciapier čytajuć
U minskim mietro prachodziać vyprabavańni novyja ciahniki FOTY1
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary