Rakieta, pakazanaja Minabarony Rasii na bryfinhu 23 studzienia, nie maje ničoha ahulnaha z 9M729, z-za jakoj ZŠA prypynili DRSMD, piša Daily Beast sa spasyłkaj na dadzienyja amierykanskaj raźviedki.
Centralnaje raźviedvalnaje ŭpraŭleńnie i Nacyjanalnaje ahienctva hieaprastoravaj raźviedki padrychtavali dakład, u jakim nazvali demanstracyju rasijskaj kryłataj rakiety 9M729, jakuju praviało Minabarony Rasii, mistyfikacyjaj.
Rasijskaje vajennaje kiraŭnictva 23 studzienia zaprasiła vajennych ataše šerahu krain, u tym liku ZŠA, na demanstracyju rakiety 9M729, z-za jakoj praź niekalki dzion Vašynhton prypyniŭ dziejańnie Damovy ab rakietach siaredniaj i mienšaj dalokaści (DRSMD). Pradstaŭniki ZŠA i šerahu inšych krain Zachadu na pakaz i pres-kanfierencyju nie źjavilisia.
Adnak u dakładzie raźviedki ab bryfinhu havorycca, što na im pad vyhladam rakiety 9M729 byŭ pakazany inšy vyrab.
Vydańnie ŭdakładniaje, što, pa dadzienych raźviedki, transpartna-puskavy kantejnier pakazanaj rakiety byŭ mienšaha pamieru, čym toj, što vykarystoŭvajecca dla puskaŭ 9M729. Akramia taho, raźviedčyki śćviardžajuć, što na bryfinhu pakazali nie tuju puskavuju ŭstanoŭku, što vykarystoŭvajecca dla rakiety 9M729.
U ZŠA rakieta 9M729 viadomaja jak SSC-8. Krynica vydańnia raspaviała, što Rasija praviała šeść jaje vyprabavańniaŭ na dalokaściach, jakija pieravyšajuć dapuščalnyja pa damovie. «Rasija prademanstravała, što jaje rakiety mohuć lotać na dalokaści, zabaronienaj damovaj. Padčas samaha dalokaha vyprabavańnia rakieta pralacieła 2070 km. Złučanyja Štaty aceńvajuć SSC-8 jak darožna-mabilny varyjant kryłataj rakiety marskoha bazavańnia «Kalibr» z dalokaściu dziejańnia 2000 km pry ŭzbrajeńni zvyčajnaj karysnaj nahruzkaj i dalokaściu dziejańnia 2350 km u jadziernym varyjancie», — cytuje vydańnie słovy krynicy.
ZŠA na praciahu niekalkich hadoŭ vinavacili Rasiju ŭ parušeńni DRSMD u suviazi z vyprabavańniem novaj rakiety. Bieły dom śćviardžaŭ, što Kreml parušaje damovu i rakieta była vyprabavanaja na dalokaść, jakaja pieravyšaje 500 km. Maskva nie pryznavała parušeńnia damovy: rasijskija vajskoŭcy na bryfinhu zajavili, što pa techničnych charaktarystykach dalokaść palotu 9M729 roŭnaja 480 km. Jaje zapraŭlajuć pry vyrabie takoj kolkaściu paliva, jakaja nie dazvalaje pieravysić heta značeńnie, a ŭ vojskach dazapraŭka niemahčymaja.
-
Pa bazie Bundeśviera ŭ Iardanii nanieśli rakietny ŭdar, paciarpiełych niama
-
Litva nie była hatovaja da adkryćcia tajvańskaha pradstaŭnictva, jano stała pamyłkaj — śpikier Siejma
-
Piać iranskich futbalistak atrymali aŭstralijskija vizy — u Iranie ich nazvali «zdradnicami» za admovu śpiavać himn pierad matčam
Ciapier čytajuć
Ich Zareckaja: deputat-jabaćka Aleh Navicki kinuŭ biełaruskich inviestaraŭ na miljony dalaraŭ. Detali schiemy1
Kamientary