Demahrafičnaja situacyja i ŭdaskanaleńnie mier dziaržaŭnaj padtrymki siemjaŭ, jakija vychoŭvajuć dziaciej, abmiarkoŭvajecca siońnia na naradzie ŭ Alaksandra Łukašenki, piša BiełTA.
«U śfiery demahrafičnaj biaśpieki my sutykajemsia z takimi ž prablemami, jak i bolšaść dziaržaŭ śvietu. Heta źnižeńnie ŭzroŭniu naradžalnaści i pavieličeńnie naturalnaha źmianšeńnia nasielnictva. Kali nie prymać mieraŭ, to, pa prahnozach śpiecyjalistaŭ, tendencyi da źnižeńnia kolkaści nasielnictva i jaho stareńnia buduć tolki ŭzmacniacca až da 2040 hoda, jak raźličvajuć śpiecyjalisty», — kanstatavaŭ Alaksandr Łukašenka.
Jon źviarnuŭ uvahu, što dla padtrymki siemjaŭ ź dziećmi ŭ Biełarusi pryniaty vyklučnyja miery. Siarod ich - apłačvajemy adpačynak pa dohladu za dziciem da troch hadoŭ, lhotnaje kredytavańnie dla šmatdzietnych i prahrama siamiejnaha kapitału.
Razam z tym kiraŭnik dziaržavy pacikaviŭsia, nakolki pryniatyja miery efiektyŭnyja i ci spryjajuć jany pavyšeńniu naradžalnaści.
«Pryrost nasielnictva, pavyšeńnie jaho pracoŭnaha patencyjału — pytańnie nacyjanalnaj biaśpieki, stabilnaści našaj dziaržavy, dabrabytu ciapierašniaha i budučych pakaleńniaŭ», - padkreśliŭ jon.
Kiraŭnik dziaržavy taksama raspavioŭ, što jamu da hetaha času dakładvajuć ab niedapracoŭkach ŭ zabieśpiačeńni šmatdzietnych siemjaŭ žyllom. Vyrašyć hetaje pytańnie da 2021 hoda jon daručaŭ na niadaŭniaj naradzie-sieminary pa budaŭnictvie.
Jon spytaŭ, jak vykonvajecca heta prahrama i ci dazvoliła jaje realizacyja źnizić śmiarotnaść nasielnictva. «Jak heta prahrama realizoŭvajecca, ja baču, hłyboka akunuŭšysia ŭ hetuju prablemu. My pakul vielmi mnoha havorym pra zdarovy ład žyćcia, pstrykajem abcasami, pačynajučy ad urada, u pryvatnaści, vice-premjera, jaki pavinien hetym zajmacca, kiraŭnika Administracyi i inšych padnačalenych … jašče raz papiaredžvaju: choć adno nievykanańnie majo daručeńnie - adrazu źbirajciesia i idzicie, - skazaŭ Alaksandr Łukašenka. - Ja taksama patrabavaŭ ad ministra achovy zdaroŭja pryniać kompleksnyja miery pa źnižeńni śmiarotnaści. Chaciełasia b pačuć, što robicca ŭ hetym płanie»
Kiraŭnik dziaržavy reziumavaŭ: u bližejšyja hady nieabchodna raspracavać i realizavać dziejsnyja miery, nakiravanyja na pavieličeńnie naradžalnaści nasielnictva Biełarusi. Pry hetym važna, dadaŭ jon, nadać uvahu farmiravańniu ŭ hramadstvie pazityŭnaha i pavažlivaha staŭleńnia da maciarynstva i siamiejnych kaštoŭnaściaŭ. «Čakaju ad udzielnikaŭ aktyŭnaha abmierkavańnia i prapanoŭ pa palapšeńni demahrafičnaj situacyi ŭ krainie. Nijakich samaspravazdač i razmovy: treba było razhladać va ŭradzie hetyja pytańni, pierš čym prychodzić da prezidenta», - papiaredziŭ Alaksandr Łukašenka.
U naradzie ŭdzielničajuć premjer-ministr, kiraŭnik Administracyi Prezidenta, kiraŭniki ministerstvaŭ i viedamstvaŭ, staršyni abłvykankamaŭ i kiraŭnictva Banka razv
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary