Jak daviedałasia Svaboda, padazravany ŭ padvojnym zabojstvie i sprobie zabojstva ŭ škole № 2 u Stoŭbcach Vadzim M. pačaŭ davać pakazańni. Hetuju infarmacyju taksama prakamientavali ŭ Śledčym kamitecie.
«Pakul mahu paviedamić tolki toje, što rasśledavańnie praciahvajecca, śledčyja praciahvajuć vyśviatlać usie abstaviny. Pravodziacca płanavyja śledčyja dziejańni. Inšaja infarmacyja ŭ intaresach śledstva ŭ najbližejšy čas paviedamlacca nie budzie», — paviedamiŭ načalnik adździeła infarmacyi i suviazi z hramadskaściu Śledčaha kamiteta Biełarusi Siarhiej Kabakovič.
Zatramany nieŭzabavie paśla zdareńnia ŭ škole N2 Vadzim M. da hetaha času znachodzicca ŭ izalatary časovaha ŭtrymańnia rajadździeła milicyi ŭ Stoŭbcach.
Jak paviedamiła ŭ subotnim numary staŭbcoŭskaja rajonnaja hazieta «Pramień», śledčyja razhladajuć roznyja viersii zabojstva — ad kanfliktnaj situacyi da psichałahičnaha ŭździeńnia na padletka, u tym liku praź internet, relihijnuju siektu i da t.p.
Vydańnie cytuje namieśnicu dyrektara škoły N2 Irynu Harelik, jakaja viała ŭrok matematyki, padčas jakoha adbyŭsia napad na Alaksandra R. Pavodle jaje, Vadzim M., zajšoŭšy ŭ klasu, dzie jana viała ŭrok, nakiravaŭsia mienavita da party Alaksandra R.
«Saša pamiraŭ u mianie na rukach. Kali trahiedyja zdaryłasia, u nas tolki-tolki pačaŭsia ŭrok matematyki. My paśpieli pravieryć tolki adno chatniaje zadańnie. Tut adčynilisia dźviery, uvajšoŭ dziesiacikłaśnik, u dolu siekundy jon prajšoŭ mima ściany, nakiravaŭsia da treciaj party i nanios udar Sašu. My padchapili jaho na ruki, adsunuli stały, stali spyniać kroŭ. Ja maliła Boha: Sašačka, nie pamiraj», — raspaviała Iryna Harelik.
Pavodle miedycynskaha ahladu, padazravany nie byŭ ni ŭ stanie ałkaholnaha apjanieńnia, ni pad uździejańniem narkotykaŭ ci psichatropaŭ.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary