Ministr pracy i sacyjalnaj abarony Iryna Kaścievič ličyć pradastaŭleńnie mahčymaści biaspłatnaha praviadzieńnia adnoj sproby EKA pravilnym krokam. Pra heta jana zajaviła žurnalistam pa vynikach narady ŭ Łukašenki, piša BiełTA.
Iryna Kaścievič raspačała z statystyki, adznačyŭšy, što ŭ 2015 hodzie ŭ Biełarusi byŭ zarehistravany pik naradžalnaści: na śviet źjavilisia kala 120 tys. dziaciej. Ale paśla hetaha naradžalnaść pastupova stała źnižacca. Tak, u minułym hodzie naradzilisia mienš za 95 tys. dziaciej. Na 1 studzienia 2019 hoda kolkaść nasielnictva ŭ Biełarusi skłała amal 9,476 miljona čałaviek.
«Što tyčycca naradžalnaści, zaraz pryjšło małakolkasnaje pakaleńnie 1990-ch. Pa hetaj pryčynie u nas skaračajecca patencyjał žančyn dzietarodnaha ŭzrostu, — źviarnuła ŭvahu jana. — Viadoma, treba naroščvać i intensiŭnaść naradžeńnia dziaciej. Ale heta pierš za ŭsio spryjalnyja ŭmovy: stabilnaja ekanomika, žyllo i adpaviednaje materyjalnaje stanovišča siemjaŭ. i ŭ hetym napramku my budziem pracavać».
Na naradzie razhladałasia mahčymaść pradastaŭleńnia siemjam adnoj biaspłatnaj sproby praviadzieńnia EKA. «Jak ministerstva my za. Heta daść mahčymaść atrymać dadatkova ad 1,5 tys. da 2 tys. dziaciej - dobrych, zdarovych dziaciej, hramadzian Respubliki Biełaruś. Čamu b nie ruchacca ŭ hetym kirunku? Pravilny krok, i da hetaha treba ruchacca», — ličyć ministr.
Kandrusievič vystupiŭ suprać EKA: Jano parušaje śviataść aktu začaćcia
-
Pajezdka ŭ aeraport — ad 90 da 150 rubloŭ. Biełaruski kankurent «Jandeks-taksi» ahučyŭ taryfy
-
Žonka biełarusa, jaki emihravaŭ u Ispaniju ź siamjoj i zastaŭsia tam adzin, raskazała, čamu ŭ Baranavičach lepš, čym u Barsiełonie
-
Biełaruskija turysty pryjechali na mora ŭ AAE, ale miascovyja plažy akazalisia ŭ mazucie
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary