Telehram-kanał «Biełaruś hałaŭnoha mozhu» (samy papularny ŭ krainie, maje bolš za 46 tysiač padpisčykaŭ) pravioŭ niekalki apytańniaŭ na temu nastupnych prezidenckich vybarach. Za kaho b prahałasavali padpisčyki?
U pieršaj apytancy viadučy kanała Ihar Łosik sabraŭ usich tych, chto ŭžo zajaviŭ pra svaje namiery brać udzieł u vybarach. Usiaho ŭ apytańni ŭziali ŭdzieł 13 tysiač karystalnikaŭ telehrama.
Amal 7 tysiač prahałasavała suprać usich kandydataŭ (heta 52%). Dalej idzie były palitviazień Mikałaj Statkievič, jon zmoh sabrać 2,5 tysiačy hałasoŭ, što składaje 19% ad ahulnaj kolkaści.
Nastupnym z 14% idzie dziejny prezident Alaksandr Łukašenka. 6% nabrała deputatka parłamienta Hanna Kanapackaja, a 4% — lidar chryścijanskich demakrataŭ Pavieł Sieviaryniec.
Astatnija kandydaty (Hajdukievič, Kazłoŭ, Anisim, Dźmitryjeŭ) majuć pa 1-2%. Mienš za ŭsio hałasoŭ sabraŭ lidar «Havary praŭdu». Padtrymać Dźmitryjeva hatovyja tolki 151 udzielnik hałasavanki.
Potym Łosik spytaŭsia ŭ padpisčykaŭ, kaho b jany byli hatovy padtrymać z pradstaŭnikoŭ namienkłatury. Prahałasavała bolš za 6 tysiač karystalnikaŭ.
Pieršaje miesca z 2435 hałasami zajmaje ministr zamiežnych spravaŭ Uładzimir Makiej (heta 39%). Zusim nie našmat ad jaho adstaje premjer-ministr Biełarusi Siarhiej Rumas, u jaho 2160 hałasoŭ, albo 34%.
Zastajecca ŭsio jašče papularnym były premjer-ministr Siarhiej Sidorski, jaki maje 9% hałasoŭ. Pasoł Biełarusi ŭ Kitai Kirył Rudy, śpikier Savieta Respubliki Michaił Miaśnikovič i jašče adzin były premjer Andrej Kabiakoŭ majuć pa 5%. U aŭtsajderach kiraŭnica Administracyi prezidenta Natalla Kačanava z 3% (163 hałasy).
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary