U internecie pačało hulać videa bojki na trybunach Ladovaj areny ŭ Oršy. Pa joj možna padumać, što bjucca fanaty chakiejnych kłubaŭ «Łakamatyŭ» (Orša) i «Nioman» (Hrodna). Nasamreč ža pabilisia… baćki chakieistaŭ.
Načalnik CHK «Łakamatyŭ» Jaŭhien Mazura raskazaŭ «NN», što incydent adbyŭsia jašče miesiac tamu. Zdaryłasia heta padčas sustrečy małych aršancaŭ i hrodziencaŭ 2008 hoda naradžeńnia.
«U nas prychilniki roznych kamand siadziać na roznych trybunach, ale tut, padvypiŭšy, zaŭziatary «Niomana» paleźli na trybunu da haspadaroŭ. Pasvarylisia baćki miž saboj, asabliva aktyŭničaŭ toj, u džersi «Niomana», — raskazvaje spadar Mazura.
Pa jahonych słovach, ciažki traŭm nichto nie atrymaŭ, tamu milicyju nie vyklikali. «Chulihanaŭ vyvieli za miežy areny. Heta ž nie pieršaja bojka ŭ chakiei i nie apošniaja. Ciapier mo budziem staracca nie toje, što na roznyja trybuny sadžać, a na procilehłyja», — kaža načalnik aršanskaha «Łakamatyva».
Što tyčycca samoj hulni, to junyja aršancy prajhravali ciaham matča 2:4, ale znajšli siły pieramahčy ź likam 6:4.
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary