Rezanansnaje videa, na jakim dziaŭčyna źbivaje druhuju, pakul siabroŭki zdymajuć heta na mabilnik, vyklikała cikavaść u siłavikoŭ. Milicyja ahučyła novyja detali historyi.
Incydent adbyŭsia u noč na 5 lutaha. Niehledziačy na toje, što ŭ sacsietkach va ŭsich udzielnic historyi paznačany starejšy ŭzrost, dziaŭčyny nasamreč niepaŭnaletnija.
Tak, paciarpiełaj Sabrynie — 17 hadoŭ. Sa svaimi budučymi kryŭdzicielnicami jana paznajomiłasia za niekalki hadzin da kanfliktu. Abiedźvie dziaŭčyny — taja, što źbivała, i taja, što zdymała videa, — sapraŭdy z Bresta.
Dziaŭčaty razam z Sabrynaj vypivali ŭ haściach. Paśla Sabryna pryviała ich da siabie ŭ padjezd. Tam i adbyłasia bojka.
Vyznačana, što paciarpiełaja atrymała cialesnyja paškodžańni. Ciapier śledčyja vyrašajuć, ci budzie zaviedzienaja kryminalnaja sprava.
Darečy, Alina, jakaja źbiła svaju novuju znajomuju, užo źjaŭlajecca fihurantkaj kryminalnaj spravy. Litaralna dniami jaje prysudzili da 2 hadoŭ «chatniaj chimii» za kradziež hrošaj.
Da taho ž, taja Alina — «aktyvistka niefarmalnaha kalafutbolnaha ruchu», paviedamlaje milicyja. Pravierku videa pravodziła Hałoŭnaje ŭpraŭleńnie pa baraćbie z arhanizavanaj złačynnaściu i karupcyjaj.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary