Na bazie 51-j artyleryjskaj bryhady siońnia prajšoŭ zbor «Vajennaja biaśpieka i abarona Respubliki Biełaruś» sa staršyniami vykankamaŭ abłaściej i Minska dy ich namieśnikami, jakija kuryrujuć pytańni terytaryjalnaj abarony, piša BiełTA.
Padčas zboru jaho ŭdzielniki aznajomilisia z asnoŭnymi tendencyjami raźvićcia vajenna-palityčnaha stanovišča. Jany naviedali vystavu, dzie byli pradstaŭleny asnoŭnyja srodki ahniavoha paražeńnia, jakija znachodziacca na ŭzbrajeńni va Uzbrojenych Siłach i terytaryjalnych vojskach, ich mahčymaści.
Zatym kala vioski Pratasievičy byŭ pakazany prykład naniasieńnia mahutnaha ahniavoha ŭdaru rakietnych padraździaleńniaŭ, a na palihonie Asipovicki prajšli praktyčnyja vučeńni pa stralbie ź minamiotaŭ i procitankavych harmat. Jak zapeŭniŭ načalnik upraŭleńnia terytaryjalnaj abarony — namieśnik načalnika Hienieralnaha štaba Uzbrojenych Sił Biełarusi Andrej Pasieka, asabovy skład vajskoŭcaŭ zapasu, jaki braŭ udzieł u zborach, upeŭniena vykanaŭ pastaŭlenuju zadaču, paraziŭšy ŭsie celi praciŭnika.
Jak adznačyŭ na tearetyčnych zaniatkach ministr abarony Biełarusi Andrej Raŭkoŭ, kožny zbor maje svaju nakiravanaść. Z 2016 hoda razhledžany pytańni farmiravańnia terytaryjalnych vojskaŭ, arhanizacyi terytaryjalnaj abarony, achovy abaronnych abjektaŭ i ŭviadzieńnia vajennaha stanovišča. Padčas papiaredniaha zboru, jaki prajšoŭ u Bresckaj vobłaści, byŭ vyvučany paradak bajavoha prymianieńnia vajennych častak i Uzbrojenych Sił sumiesna z padraździaleńniami terytaryjalnych vojskaŭ, akcent byŭ zrobleny na abaronie nasielenych punktaŭ. Na siońniašnich zborach asnoŭnaja ŭvaha nadajecca ahniavoha paražeńnia praciŭnika.
«Jak pakazvajuć vajennyja kanflikty apošnich hadoŭ, heta źjaŭlajecca važnym faktaram dla dasiahnieńnia metaŭ luboha supraćstajańnia», — padkreśliŭ Andrej Raŭkoŭ.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary