Były hienieralny sakratar NATA Anders Foh Rasmusen upeŭnieny, što ŭ płanach Rasii dałučyć Biełaruś i nablizicca da miežaŭ Zachodniaj Jeŭropy. Pra heta jon zajaviŭ u intervju Liga.net.
«Klučavaja ryzyka — heta paŭtor u Biełarusi ŭkrainskaha scenaryja z vajnoj i anieksijaj. Hetuju krainu čakaje taki scenar, kali jana nie pačnie refarmavacca», — skazaŭ Rasmusen.
Jon paraiŭ biełarusam pačać reformy, kab pryjści da demakratyi i svabody, «kab zaścierahčysia ad ahresii rasijan».
«Tolki hetyja rečy stvorać abaronu ad rasijskaj ahresii», — padkreśliŭ były hienieralny sakratar Aljansu.
Pa słovach Rasmusena, jon dobra pamiataje zajavy rasijskaha prezidenta Uładzimira Pucina pra toje, što Biełaruś pavinna być uklučana ŭ «vialikuju ruskuju dziaržavu», i heta vielmi padobna na niezakonnuju anieksiju ŭkrainskaha Kryma.
«I ja b chacieŭ, kab Biełaruś atrymlivała bolš dapamohi ad Zachadu. Ale nam treba bačyć pieraaryjentacyju Biełarusi da svabody i demakratyi», — adznačyŭ jon.
Pry hetym eks-kiraŭnik NATA zajaŭlaje, što Alaksandr Łukašenka nie choča refarmavać krainu i ruchacca na Zachad.
«Tak, jon nie choča. Ale taksama Łukašenka nie žadaje žyć pad pryhniotam Pucina. Jamu treba vybrać: albo reformy, albo pastajanny pryhniot rasijan», — reziumavaŭ Rasmusen.
-
Premjer Litvy: Sankcyi suprać Rasii i Biełarusi pavinny być chacia b rehijanalnymi, nacyjanalnyja biez tołku
-
Hłamurny kosmas. Džef Biezas adpraŭlaje siońnia ŭ kosmas svaju niaviestu i jašče piać žančyn
-
Kyrhyzstan uručyŭ notu pratestu rasijskamu pasłu paśla abłavy i žorstkaha źbićcia svaich hramadzian u maskoŭskaj łaźni
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary