Administracyja prezidenta ZŠA Donalda Trampa zapuskaje kampaniju pa dekryminalizacyi homaseksualizmu ŭ krainach, dzie niezakonna mieć takuju seksualnuju aryjentacyju. Nahodaj dla zapusku prahramy stała pakarańnie śmierciu chłopca ŭ Iranie, paviedamlaje NBC.
Na čale kampanii staić pasoł ZŠA ŭ Hiermanii Ryčard Hrenieł (Richard Grenel), — samy vysokapastaŭleny adkryty hiej u administracyi Trampa. Pa słovach amierykanskich čynoŭnikaŭ, jany buduć pracavać ź mižnarodnymi arhanizacyjami, a taksama z uładami krain, dzie pravy homaseksuałaŭ nie ŭščamlajucca. Da pačatku kampanii ŭłady ZŠA zaprasili ŭ pasolstva ŭ Bierlinie ŁHBT-aktyvistaŭ ź jeŭrapiejskich krain.
«Niepakoj vyklikaje toje, što ŭ XXI stahodździ prykładna ŭ 70 krainach usio jašče jość zakony, što kryminalizujuć status ci pavodziny pradstaŭnikoŭ ŁHBT-supolnaściaŭ»
— skazaŭ surazmoŭca NBC z administracyi Trampa.
