Ułady Kazachstana źmianili dyzajn maniet i banknot nacyjanalnaj valuty tenhie, prybraŭšy nadpisy na ruskaj movie. Adpaviedny ŭkaz prezidenta Nursułtana Nazarbajeva apublikavany na sajcie infarmacyjna-pravavoj sistemy «Adylet».
Banknota naminałam 1 tysiača tenhie za 2014 hod z nadpisam na ruskaj movie.
«Tekst nadpisaŭ, jakija vykarystoŭvajucca ŭ dyzajnie banknot i maniet, afarmlajecca na dziaržaŭnaj movie. U dyzajnie inviestycyjnych i kalekcyjnych maniet dapuskajecca vykarystańnie nadpisaŭ na zamiežnych movach», — skazana va ŭkazie.
Staryja praviły dapuskali vykarystańnie ruskaj naroŭni z kazachskaj pry afarmleńni kupiur i maniet.
Ruskaja maje status aficyjnaj, ale nie dziaržaŭnaj movy ŭ Kazachstanie i, u adpaviednaści z kanstytucyjaj, moža vykarystoŭvacca ŭ dziaržaŭnych arhanizacyjach.