U Mienskim abłasnym DAI admianili pratakoł ab administracyjnym parušeńni, składzieny paśla najezdu na abaroncu Kurapataŭ Dzianisa Ŭrbanoviča. Pa vynikach novaj ekspertyzy traŭmaŭ, jakija atrymaŭ aktyvist, razbor moža skončycca kryminalnaj spravaj, piša «Svaboda».
Čytajcie taksama:
Muzykant Łabanok na mašynie źbiŭ abaroncu Kurapataŭ Urbanoviča. DAI zabrała pravy
«22 lutaha toj administracyjny pratakoł admianili. Hetak mnie skazaŭ supracoŭnik DAI Arciom Šamanski i jahony kaleha, Siarhiej Alaksandravič. Padstava — źmianiŭsia dyjahnaz, jaki mnie pastavili lekary paśla traŭmy. Usio bolš surjozna, čym padavałasia spačatku. Ciapier mahčymaja kryminalnaja sprava», — skazaŭ Urbanovič Svabodzie.
Da ŭšybaŭ plača i klučycy, jakija lekary vyjavili paśla zdareńnia 16 lutaha, dadaŭsia šyjna-plečavy syndrom. Pavodle medykaŭ z 38-j palikliniki Miensku, u aktyvista paškodžanyja śpina i pazvanki šyi.
«Supracoŭniki DAI skazali, što pakličuć u aŭtorak na ekspertyzu, kab dakumentalna paćvierdzić traŭmy. Kali budzie pryznana, što traŭmy siaredniaj ciažkaści, skazali, što raspačnuć kryminalnuju spravu na kiroŭcu», — skazaŭ Urbanovič.
Milicyjant, jaki ŭdzielničaŭ u afarmleńni pratakołu ab najeździe na Ŭrbanoviča, admoviŭsia kamentavać spravu, ale nie abvierh, što pravodzicca razbor incydentu. U respublikanskim DAI atrymać kamentar nakont zdareńnia Svabodzie nie ŭdałosia.
