Staršynia Śledčaha kamiteta Ivan Naskievič paćvierdziŭ žurnalistam adstaŭku dvuch vysokapastaŭlenych śledčych, pra jakija raniej paviedamlaŭ Tut.by.
«Pakul pravodzicca pravierka, ci zaviedziena kryminalnaja sprava, u intaresach śledstva detali raskryvać nielha. Ale jany sapraŭdy adpraŭlenyja ŭ adstaŭku ŭ suviazi z atrymańniem infarmacyi, dastatkovaj dla pryniaćcia takoha rašeńnia», — paviedamiŭ kiraŭnik SK.
Jon taksama paabiacaŭ prainfarmavać hramadskaść ab vynikach rasśledavańnia.
Nahadajem, dva tydni tamu svaju pasadu pakinuŭ načalnik adździeła pa rasśledavańni złačynstvaŭ u śfiery ekanomiki Upraŭleńnia SK pa horadzie Minsku pałkoŭnik Illa Vałozin i jaho kaleha, supracoŭnik Centralnaha aparata Śledčaha kamiteta Andrej Kačur.
Pa niepravieranaj infarmacyi, Andrej Kačur prachodzić u jakaści padazravanaha pa kryminalnaj spravie. Ab pryčynach adstaŭki Illi Vałozina aficyjna nie paviedamlajecca. Jaho adździeł zajmaŭsia mnohimi hučnymi ekanamičnymi spravami — ad spravy Vitala Arbuzava i hrupy kampanij Fenox da druhoj spravy Alaksandra Muraŭjova i spravy lidaraŭ prafsajuza REP Fiadyniča i Komlika.
Bajden nie źbirajecca zdymacca z vybaraŭ i abiacaje pieramohu niahledziačy na sumnievy ŭ jaho zdaroŭi3
Kamientary