U piatnicu, vystupajučy pierad žurnalistami, pres-sakratar prezidenta Rasii Dźmitryj Piaskoŭ adreahavaŭ na słovy Łukašenki, jaki zajaviŭ učora, što 98% biełarusaŭ prahałasujuć suprać dałučeńnia Biełarusi ŭ skład Rasiei, pieradaje TASS.
«Ja nie biarusia kamientavać hetyja zajavy Alaksandra Ryhoraviča, ale razam z tym, viadoma, adnosiny pamiž našymi krainami źjaŭlajucca sajuznymi i absalutna braterskimi», — skazaŭ pradstaŭnik Kramla. Na jaho dumku, «ciopłyja adnosiny da Biełarusi ŭ nas [u Rasii] daminujuć».
Piaskoŭ paćvierdziŭ słovy Łukašenki pra toje, što Pucin i Łukašenka mohuć damovicca sustrecca ŭ luby momant. U papiaredni raz palityki praviali sieryju sustreč na praciahu troch dzion u siaredzinie lutaha ŭ Sočy.
«Pakul nie», — adkazaŭ Piaskoŭ na pytańnie, ci płanujecca sustreča lidaraŭ Rasii i Biełarusi ŭ najbližejšy čas. «Ź inšaha boku, heta nie značyć, što jany nie mohuć pryniać rašeńnie sustrecca choć zaŭtra. Vy viedajecie, što jany majuć znosiny rehularna, [u tym liku] i pa telefonie, i pry nieabchodnaści chutka i apieratyŭna prymajuć rašeńnie ab sustrečy», — dadaŭ pres-sakratar prezidenta Rasii.
U chodzie «Vialikaj razmovy» z pradstaŭnikami miedyja i ekśpiertnaj supolnaści Łukašenka pryvioŭ dadzienyja sacapytańnia, pavodle jakich 98% hramadzian Biełarusi prahałasujuć suprać dałučeńnia da Rasii. Pavodle słoŭ Łukašenki, heta źviazana z tym, što «biełarusy chočuć być razam z Rasijaj, ale žyć u svajoj kvatery».
Pres-kanfierencyja Alaksandra Łukašenki: Kali siońnia pravieści refierendum ab abjadnańni Biełarusi i Rasii, 98% prahałasujuć suprać ANŁAJN
Bajden nie źbirajecca zdymacca z vybaraŭ i abiacaje pieramohu niahledziačy na sumnievy ŭ jaho zdaroŭi3
Kamientary