Słavienskaja bijatłanistka ledź nie zastreliła sudździu na treniroŭcy pierad startam čempijanatu śvietu ŭ šviedskim Estersundzie. Pra heta paviedamlaje Expressen.
Pamočnik mieniedžara pa stralbie Tomas Oberh raspavioŭ, što praz 20 chvilin paśla pačatku treniroŭki pavinna była adbycca zamiena mišeniaŭ. Jon adznačyŭ, što spartsmienak papiaredzili pra toje, što treba spynić stralbu da taho času, pakul nie budzie padadzieny sihnał. Adnak słavienskaja bijatłanistka, čyjo imia nie nazyvajecca, praciahnuła stralać.
Pa słovach Oberha, u hety momant u mišeni znachodziŭsia sudździa. «Heta niedapuščalna i vielmi surjozna. Ja pahavaryŭ ź joj i daŭ zrazumieć, što jana padvierhła ryzycy ludziej. U jaje ŭ rukach była śmiarotnaja zbroja», — dadaŭ jon.
U vyniku incydentu nichto nie paciarpieŭ. Słavienka atrymała papiaredžańnie.
U skład žanočaj kamandy Słavienii na čempijanat śvietu ŭvajšli Urška Poje, Lea Ejnfalt, Pałona Klemienčyč i Nina Zadraviec.
Kamientary