U Francyi sud pryhavaryŭ arcybiskupa Lijona, kardynała Filipa Barbarena, da šaści miesiacaŭ umoŭnaha pazbaŭleńnia voli, paviedamlaje Le Figaro.
Pryčynaj rašeńnia stała niedaniasieńnie palicyi infarmacyi pra mahčymyja vypadki piedafilii ŭ Lijonskaj dyjacezii, jakoj kiravaŭ kardynał.
U sudzie zajavili, što Barbaren całkam uśviedamlaŭ nastupstvy svaich dziejańniaŭ. Sudździ paličyli, što jaho matyvavała žadańnie zachavać dobraje imia katalickaha kaścioła.
Paśla abviaščeńnia prysudu Barbaren źviarnuŭsia da papy Franciška z prośbaj źniać jaho z pasady arcybiskupa Lijona. Na samim sudovym pasiadžeńni kardynał nie prysutničaŭ.