U Słucku kiroŭca nie zmoh schavać pierahar ad DAI. Ale jamu pašancavała
U niadzielu, 10 sakavika, kala 14-aj hadziny na stajancy ŭ Słucku supracoŭniki DAI spynili lehkavik. Kiroŭca vyjšaŭ na vulicu. Vyśvietliłasia, što ŭ aŭtaŭładalnika niama techahladu. Pry hetym jaho dzieci, jakija siadzieli ŭ mašynie, nie byli pryšpileny.
Daišniki zaprasili kiroŭcu prysieści ŭ sałon słužbovaha aŭto dla składańnia pratakoła.
Na vulicy išoŭ doždž, byŭ mocny viecier. Inśpiektar zaprasiŭ mužčynu sieści ŭ sałon i začynić dźviery. Jon sieŭ zzadu, ale dźviery nie začyniŭ. Takim čynam jon sprabavaŭ schavać pach ałkaholu. Mužčyna adnu nahu pastaviŭ u sałon, druhuju pakinuŭ na vulicy, a tvar advaročvaŭ ŭ bok. Padźmuŭ viecier, i inśpiektar pačuŭ pach śpirtnoha. Tak jon chacieŭ schavać pierahar, a atrymałasia ŭsio naadvarot. Choć pry razmovie na vulicy pachu nie adčuvałasia. Vyśvietliłasia, što ŭ mužčyny było 0,23 pramile ałkaholu.
Paroh ćviarozaści — da 0,3 pramile, usio, što vyšej, — stan ałkaholnaha apjanieńnia. Tamu inśpiektar parekamiendavaŭ słuččaku pieradać kiravańnie žoncy.
Kamientary