Kancepcyja infarmacyjnaj biaśpieki vyniesiena na abmierkavańnie Rady biaśpieki. Dakumient raspracoŭvaŭsia ŭ płanavym paradku pa daručeńni Alaksandra Łukašenki z ulikam asablivaściaŭ i niaprostych tendencyj sučasnaha stanovišča, paviedamlaje BiełTA.
«Nieabchodna efiektyŭnaja dziejnaść dziaržavy pa infarmacyjnaj biaśpiecy. Jana pavinna abapiracca na razumna vybudavanuju pravavuju asnovu i adzinaje razumieńnie stratehičnych metaŭ i ahulnych zadač», — zajaviŭ jon
U liku paznačanych praktyčnych mier i aśpiektaŭ, źviazanych ź infarmacyjnaj biaśpiekaj, Alaksandr Łukašenka ličyć nieabchodnym bolš uvažliva padychodzić da abarony hałoŭnych kanstytucyjnych asnoŭ hramadstva, pierš za ŭsio źviazanych ź dziaržaŭnym suvierenitetam.
«My bačym, jak infarmacyjnymi patokami razmyvajecca nacyjanalny mientalitet, samabytnaść krain i narodaŭ. Istotna źmianiajucca sacyjalnyja suviazi čałavieka, styl myśleńnia, sposaby kamunikacyi, usprymańnie rečaisnaści. Usiamu hetamu varta supraćpastavić pryncypy humanizmu i spraviadlivaści, pryjarytety mocnych siamiejnych adnosin i zdarovaha ładu žyćcia», — skazaŭ kiraŭnik dziaržavy.
U cełym Alaksandr Łukašenka adznačyŭ, što ŭ ciapierašni čas infarmacyjnaja śfiera nabyvaje klučavoje značeńnie dla luboj dziaržavy i kožnaha čałavieka. Pavyšajucca ŭsiebakovyja intaresy ludziej, uzrastaje značeńnie kamunikacyjnych technałohij. Biełaruś dynamična prasoŭvajecca ŭ farmiravańni infarmacyjnaha hramadstva, pra što śviedčać suśvietnyja rejtynhi, u jakich kraina znachodzicca na vysokich pazicyjach.
«U krainie niaŭchilna pavialičvajecca kolkaść elektronnych resursaŭ i kamunikacyj. U nastupnyja dziesiacihodździ bolšaść halin buduć pieraaryjentavany na novyja ličbavyja ekanamičnyja madeli. Dziaržava, biezumoŭna, zacikaŭlena ŭ tym, kab ludzi atrymlivali maksimalna poŭnuju i praŭdzivuju infarmacyju. Mieli mahčymaść abaranić svaje asabistyja pravy ŭ miedyjaprastory i ŭ cełym padvyšali kamfortnaść žyćcia za košt najnoŭšych dasiahnieńniaŭ», — zajaviŭ biełaruski kiraŭnik.
Razam z hetym Biełaruś, jak i ŭsie krainy, nie moža ihnaravać pryncypova novyja ryzyki, źviazanyja ź infarmatyzacyjaj. «Pryčym narastańnie ŭ śviecie kanfliktnaści i adsutnaść u hetaj śfiery dakładnych pravił pavodzin pieratvarajuć hetyja ryzyki ŭ realnyja pahrozy kanstytucyjnym asnovam i ŭsiebakovamu raźvićciu luboj dziaržavy», - zaŭvažyŭ kiraŭnik dziaržavy.
Pavodle słoŭ Łukašenki, vyklikaje niepakoj naroščvańnie destruktyŭnych uździejańniaŭ na hramadstva, manipulavańnie masavaj śviadomaściu, raspaŭsiudžvańnie niedakładnaj infarmacyi.
«Mienavita ź ich pačynajucca sacyjalnyja kataklizmy sučasnaści. U vyniku pakutujuć miljony ludziej, mianiajecca palityčnaja karta śvietu. Adsoŭvajuć na druhi płan ahulnapryniatyja normy marali i maralnaści. Žyćciadziejnaść luboj dziaržavy stanovicca ŭsio bolš uraźlivaj ad kampjutarnych incydentaŭ», — padkreśliŭ Alaksandr Łukašenka.
Jon kanstatavaŭ, što važnaje značeńnie dla ŭstojlivaha raźvićcia krainy maje biaśpiečnaje funkcyjanavańnie sietkavaj infrastruktury. «My nie rekłamujem šyroka našu dziejnaść pa harantavańnie tak zvanaj kibierbiaśpieki. Adnak jana pravodzicca daloka nie pieršy hod i arhanična intehravanaja ŭ adpaviednyja mižnarodnyja słužby. Razam z tym Biełaruś nie aharodžanaja ad kibieratak i kibierzłačynnaści», — dadaŭ kiraŭnik dziaržavy.
Kamientary