Kryšcijanu Ranałdu zabiŭ usie try hały. Fota ru.uefa.com
U 1/8 finała Lihi čempijanaŭ čarhovy niečakany vynik. Niama dziva ŭ tym, što turynski «Juvientus» prabiŭsia ŭ nastupnuju stadyju. Ale toje, jak jon heta zrabiŭ — atrymałasia fiejeryčnaje vidavošča.
«Juvientus» u pieršym matčy sastupiŭ madrydskamu «Atletyka» ź likam 0:2, i mała chto vieryŭ u pośpiech italjancaŭ.
Tym nie mienš «Juvientus» vyjhraŭ 3:0 — i ŭsie try hały zabiŭ partuhalec Kryšcijanu Ranałdu. Pieršyja dva hały hałavoj, a paśla jašče i vynikovy streł ź pienalci.
Pieramoha italjancaŭ była spraviadlivaj, «Atletyka» za ŭvieś matč dakładna nie prabiŭ pa varotach.
Jašče adzin matč 1/8 finała skončyŭsia nieprystojnym vynikam: «Mančeścier Sici» źniasłaviŭ niamiecki «Šalkie» ź likam 7:0.
Kamientary