Miedyki ciapier majuć mahčymaść vypisvać elektronnyja recepty ŭ anłajn-režymie prosta doma ŭ pacyjenta. Pra heta zajaviŭ namieśnik dyrektara pa infarmtechnałohij RNPC miedycynskich technałohij, infarmatyzacyi, kiravańnia i ekanomiki achovy zdaroŭja Siarhiej Novikaŭ, piša BiełTA.
Jon udakładniŭ, što niadaŭna była nabyta adpaviednaja miedycynskaja infarmsistema. Siarhiej Novikaŭ raspavioŭ, što doktar, znachodziačysia doma ŭ pacyjenta ŭ lubym punkcie krainy, moža vypisać elektronny recept z dapamohaj tielefona abo płanšeta, padklučannaha da internetu. Na praciahu chviliny jon źjavicca ŭ ahulnaj bazie, i «Biełfarmacyja» abo lubaja kamiercyjnaja aptečnaja sietka zmoža pradać miedykamient pa recepcie. Pry hetym pacyjentu nie treba pradjaŭlać papiarovy recept.
Miedycynskija navinki byli prezientavanyja na vystavie «Achova zdaroŭja Biełarusi», jakaja startavała ŭčora ŭ Minsku.
Kamientary