Jak stała viadoma rasijskamu vydańniu «Kommiersant», adzin ź fihurantaŭ kryminalnaj spravy ab padrychtoŭcy teraktu na kancercie Filipa Kirkorava ŭ lipieni 2017 hoda ŭ Machačkale, rasśledavańnie jakoha zaviaršyła MUS Dahiestana, daŭ pakazańni pra toje, što heta byŭ zamach na zakaznoje zabojstva.
U jakaści zakazčyka jon nazvaŭ šoŭmiena Maksima Hałkina, jaki nibyta pryraŭnavaŭ Ału Puhačovu da Kirkorava. U dopycie ŭsich traich i vočnych staŭkach ź imi MUS Dahiestana admoviła, paličyŭšy heta sprobaj abvinavačanaha syści ad adkaznaści i zaciahnuć śledstva. Sam Maksim Hałkin kamientavać padziei ŭ Dahiestanie nie staŭ.
Pa viersii padazravanaha, u pačatku 2017 hoda, kali jon byŭ u Maskvie, «da jaho padyšoŭ artyst Maksim Hałkin, jaki prapanavaŭ jamu za 2 miljony rasijskich rubloŭ (kala $30 tysiač — Red.) ździejśnić zabojstva artysta Kirkorava», — na hlebie reŭnaści da Ały Puhačovaj, zrabiŭ vyvad ź nibyta praviedzienaj razmovy dahiestaniec. Jon śćviardžaje, što adkazaŭ zhodaj, i tady jamu nibyta pieradali ŭ jakaści avansu za 1 młn rasijskich rubloŭ, telefon Nokia i sim-kartu. Paźniej, śćviardžaŭ fihurant spravy, jon admoviŭsia ad płana, bajučysia, što «moža paciarpieć šmat ludziej».
Kamientary