Najlepšych pracaŭładkujuć.
U Minsku z 11 pa 12 krasavika projdzie pieršaja Adkrytaja alimpijada pa finansavym analizie. U joj zmohuć uziać udzieł studenty i mahistranty ŭsich VNU krainy. Partnioram alimpijady vystupaje Alfa-Bank.
Alimpijada budzie spryjać raźvićciu finansavaj piśmiennaści ŭ Biełarusi. A taksama dazvolić vyrašyć dźvie važnyja zadačy: znajści pierśpiektyŭnych maładych analitykaŭ i pryvić studentam ideju pastajannaha navučańnia z ulikam suśvietnych standartaŭ CFA (Chartered Financial Analyst).
Uziać udzieł u alimpijadzie možna biaspłatna. Alimpijada pravodzicca fakultetam markietynhu, mieniedžmientu i pradprymalnictva BNTU pry padtrymcy Nacbanka Biełarusi i Ministerstva finansaŭ, a taksama pry tytulnym partniorstvie Alfa-Banka.
Pravieryć svaje viedy mohuć studenty i mahistranty ŭsich biełaruskich univiersitetaŭ. Im treba budzie na praciahu 180 chvilin rašyć 120 zadač na anhlijskaj movie. Zadańni maksimalna nabližanyja da patrabavańniaŭ CFA Level 1 Exam — pieršaj prystupki atrymańnia prestyžnaha siertyfikata ŭ śfiery finansavaha analizu, jaki vydajecca ŭžo 55 hadoŭ u 27 krainach śvietu i afilavany z 550 univiersitetami płaniety.
Pieramožca alimpijady atrymaje zaprašeńnie ŭ finansavy błok Alfa-Banka. Jamu taksama apłaciać rehistracyju, zdaču ekzamienaŭ i navučalnyja materyjały ŭsich troch prystupak siertyfikata CFA Institute.
«Ciapier na rynku zapatrabavanyja maładyja śpiecyjalisty z matematyčnymi zdolnaściami, viedańniem finansavaha analizu i dobrym vałodańniem anhlijskaj. Biełaruskija banki aktyŭna vykarystoŭvajuć pryncypy prahramy CFA, vyjaŭlajučy asablivuju zacikaŭlenaść pry najmie da kandydataŭ z adpaviednymi navykami, — padkreśliŭ finansavy dyrektar Alfa-Banka i, darečy, uładalnik siertyfikata CFA Mikita Hulajeŭ. — My bačym, što razam z tendencyjaj raźvivajecca i sistema adukacyi, jakaja nabližaje svaje prahramy da mižnarodnych standartaŭ. Praviadzieńnie alimpijady tolki padvysić jakaść padrychtoŭki finansavych analitykaŭ i adnačasova ŭzmocnić ŭzajemadziejańnie finsiektara i śfiery adukacyi».
Śpiecyjalisty z navykami CFA najbolš patrebnyja bankam, jakija pracujuć ź mižnarodnym rynkam. Ich navyki, u pryvatnaści, nieabchodnyja dla raźvićcia farmatu davieranaha kiravańnia, kali bank ad imia klijenta nabyvaje kaštoŭnyja papiery na mižnarodnych biržach i farmiruje inviestpartfieli.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary