Staršynia Centrvybarkama Lidzija Jarmošyna ličyć metazhodnym admovicca ad stvareńnia vybarčych učastkaŭ za miažoj i dać u takich vypadkach ludziam mahčymaść hałasavać praź internet. Takoje mierkavańnie jana vykazała ŭ intervju telekanału «Biełaruś 24», paviedamlaje BiełTA.
U Biełarusi nie płanujuć napiaredadni vybaraŭ mianiać vybarčaje zakanadaŭstva, u tym liku ŭvodzić hałasavańnie pa pošcie ci praź internet. Ale kali ŭ pierśpiektyvie papraŭki ŭsio ž buduć unosicca, to Lidzija Jarmošyna, pa jaje słovach, «prapanavała b nie stvarać vybarčyja ŭčastki za miažoj — pry ambasadach, a davać mahčymaść hałasavać mienavita praź internet». «Hałasavańnie za miažoj nie zadavalniaje patreby dla ŭdziełu ŭ vybarach. Hramadzianie ciapier pieramiaščajucca pa ŭsim śviecie», — patłumačyła jana.
Staršynia CVK adznačyła, što ŭ Biełarusi infarmacyjnyja technałohii słužać dla infarmavańnia vybarščykaŭ i ŭsich udzielnikaŭ vybarnych kampanij. Nieabchodnuju infarmacyju jany mohuć atrymać na śpiecyjalnych resursach, raspracavanych elektronnych kartach vybarčych akruhaŭ, mabilnym dadatku, jaki dapamahaje pa chatnim adrasie vyznačyć svoj učastak dla hałasavańnia i prakłaści zručny maršrut da jaho.
Kamientary