Kiraŭnik dziaržavy Alaksandr Łukašenka ŭ Dzień Kanstytucyi ŭručyŭ pašparty junym hramadzianam Biełarusi. Takaja ŭračystaja cyrymonija ŭpieršyniu adbyłasia ŭ Pałacy Niezaležnaści, piša BiełTA.
Udzielnikami mierapryjemstva stali 25 junych biełarusaŭ z roznych rehijonaŭ krainy. Usim im spoŭniłasia pa 14 hadoŭ.
«Simvalična, što ŭ toj hod, kali vy źjavilisia na śviet, našaj maładoj dziaržavie taksama spoŭniłasia ŭsiaho 14 hadoŭ. Bačyć siońnia vas, takich metanakiravanych, paśpiachovych i talenavitych - dastojnych dziaciej našaj suvierennaj Biełarusi - ščaście nie tolki dla vašych baćkoŭ, ale dla ŭsiaho biełaruskaha naroda, i pierš za ŭsio dla mianie, - skazaŭ Alaksandr Łukašenka. - dla ŭsich, chto stajaŭ la vytokaŭ stvareńnia niezaležnaj krainy, vy samaja vialikaja kaštoŭnaść «.
Kiraŭnik dziaržavy padkreśliŭ, što ŭ kožnym ź junych udzielnikaŭ siońniašniaj cyrymonii ŭvasablajecca šmatviekavaja mara našych prodkaŭ być haspadarami na svajoj ziamli. «Dla vas hetaja mara stała realnaściu. Vy vyvučajecie historyju krainy i, napeŭna, razumiejecie, jakaja heta karyść naradzicca i žyć u mocnaj i niezaležnaj dziaržavie», - adznačyŭ Łukašenka.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta4
Kamientary