MNS papiaredžvaje: nie palicie travu — heta škodna i niebiaśpiečna 

Z nadychodam viasnovaha pieryjadu ŭzrastaje kolkaść zaharańniaŭ suchoj travy. Niezatušany niedakurak, padpalenaja zapałka, vohnišča ŭ suchoj travie, sielskahaspadarčyja pały pieratvarajucca ŭ zbroju masavaha paražeńnia, papiaredžvaje inśpiektar Leninskaha RANS Minska Volha Zyl. 

Da ŭvahi nasielnictva! Viasnovyja pały travy mohuć stać pryčynaj pažaraŭ. Samyja raspaŭsiudžanyja pryrodnyja pažary — heta travianyja pały. Rańniaj viasnoj letašniaja trava chutka vysychaje na mocnym viasnovym soncy i lohka zaharajecca ad luboj kinutaj zapałki abo cyharety. Travianyja pały chutka raspaŭsiudžvajucca, asabliva ŭ vietranyja dni; spynić pažar, jaki dobra razhareŭsia, byvaje vielmi niaprosta. Časam travu padpalvajuć śpiecyjalna — praz svavolstva ci z-za isnujučaha pavierja, što paśla pału novaja trava vyrastaje chutčej. Apošniaje słušna tolki častkova: sapraŭdy, na prahretaj pałam ziamli trava pačynaje raści chutčej, ale potym jaje rost zapavolvajecca, pakolki pažaram u hlebie źniščajecca častka arhaničnaha rečyva, nieabchodnaha dla jaje ŭradlivaści. U połymi hinuć kazurki, drobnyja źviary, ptuški, jakija nasialajuć hetyja papłavy i pali.

Travianyja pały vielmi niebiaśpiečnyja. U mnohich vypadkach jany stanoviacca pryčynaj inšych, bolš katastrafičnych pažaraŭ. Pry vietranym nadvorji ahoń moža paviarnuć i da nasielenych punktaŭ, pasiołkaŭ. I tady harać chaty, chlavy, dačy. Niečaja majomaść, nažytaja z takoj ciažkaściu, pieratvarajecca ŭ popieł. U hetych pažarach mohuć zahinuć i ludzi. Travianyja pały vyklikajuć vielmi mocnaje zadymleńnie i takija ž niebiaśpiečnyja dla zdaroŭja ludziej, jak i lasnyja pažary. Uharny haz, farmaldehid, saža, cykličnyja vuhlevadarody, jakija vydzialajucca pry spalvańni suchoj travy, akazvajuć škodny ŭpłyŭ na naša zdaroŭje.

Što pavinien pamiatać kožny, kab nie było pažaraŭ:

• nikoli nie padpalvajcie suchuju travu na palach ci palanach ŭ lesie. Kali vy ŭbačycie, jak heta robiać inšyja, pastarajciesia ich spynić i patłumačyć, čym niebiaśpiečnyja travianyja pały;

• nikoli nie razvodźcie vohnišča ŭ suchim lesie. Pierš čym raźvieści vohnišča, zhrobicie lasnuju podściłku z vohnišča i vakoł jaho ŭ radyusie adnaho mietra;

• dobra zalicie ​​vohnišča pierad adychodam. Nie sychodzicie ad zalitaha vohnišča, pakul ad jaho idzie dym abo para;

• nikoli nie kidajcie niepatušanyja zapałki abo cyharety;

• nie zajazdžajcie ŭles na aŭtamabilach i asabliva matacykłach. Iskry z hłušyciela mohuć vyklikać pažar, asabliva ŭ suchim lesie ź lišajnikavym pokryvam;

• pasprabujcie rastłumačyć vašym siabram i znajomym, što ich nieaściarožnaść moža pasłužyć pryčynaj pažaraŭ.

Budźcie aściarožnyja z ahniom! Spalvańnie śmiećcia — zabaroniena!Pamiatajcie: pały travy mohuć stać čyńnikam pažraŭ! 

• 0
• 0
• 0
• 0
• 0
• 0
• 0
• 0