Heta ŭ intervju sb.by, prymierkavanym da 25-hodździa pryniaćcia Kanstytucyi, adznačyŭ sudździa Kanstytucyjnaha suda Tadevuš Varanovič.
KC.GOV.BY
— Tadevuš Valancinavič, dazvolcie spačatku fiłasofskaje pytańnie. Čverć stahodździa dla Kanstytucyi — heta šmat ci mała?
— Usio paznajecca ŭ paraŭnańni. Z adnaho boku, całkam śpieły ŭzrost. Za hetyja hady ŭ krainie ŭdałosia pravieści pieraŭtvareńni ŭ ekanomicy i sacyjalnaj śfiery, u navucy, adukacyi i miedycynie. Jany stali mahčymyja ŭ tym liku dziakujučy nadziejnamu pravavomu padmurku, u jakim Kanstytucyja słužyć hałoŭnaj krynicaj prava i vałodaje najvyšejšaj jurydyčnaj siłaj.
Zaŭvažu, što paŭstała jana nie na pustym miescy i maje hłybokija histaryčnyja karani. Faktyčna mnohija pałažeńni, zamacavanyja ŭ joj, biaruć svoj pačatak ad Statuta Vialikaha Kniastva Litoŭskaha 1588 hoda.
Ciapierašniaja Kanstytucyja stała dla Biełarusi piataj pa liku paśla Kastryčnickaj revalucyi 1917 hoda. U saviecki pieryjad Asnoŭny Zakon prymaŭsia ŭ 1919, 1927, 1937 i 1978 hadach. Paśla raspadu SSSR dziejnaja na toj momant Kanstytucyja BSSR užo nie adkazvała ŭ poŭnaj miery tym zapytam hramadstva i źmienam, što adbyvalisia. Za raspracoŭku novaha prajektu ŭziaŭsia Viarchoŭny Saviet Biełarusi. 15 sakavika 1994 hoda na jaho pasiadžeńni pieravažnaj bolšaściu hałasoŭ deputaty pryniali pieršuju Kanstytucyju suvierennaj biełaruskaj dziaržavy. Za 25 hadoŭ jana syhrała značnuju rolu ŭ raźvićci niezaležnaści, zabiaśpiečyŭšy mir i zhodu ŭ hramadstvie, stabilnaść i biaśpieku ŭ krainie.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta4
Kamientary