U handlovym centry «Lusterka» zakryli tualety — arandatary aburanyja
Na dźviarach źjaviłasia tablička «Zdajecca ŭ arendu».
U handlovym centry «Lusterka» na Kamaroŭskim rynku zakrylisia ŭsie prybiralni na pieršym paviersie. Pra heta «Našaj Nivie» paviedamili arandatary pamiaškańniaŭ.
«My sami nie razumiejem, jak tak atrymałasia. U adzin ź dzion my pryjšli na pracu i zaŭvažyli, što na dźviarach tualetaŭ źjaviłasia tablička «zdajecca ŭ arendu», — tłumačyć pradprymalnik Alaksandr.
«Lusterka» — heta adzin ź pieršych krytych, cyvilizavanych rynkaŭ u Minsku. U tualety na pieršym paviersie chadzili pradaŭcy z usioj «Kamaroŭki». Ciapier na ich miescy źjavilisia składskija pamiaškańni. Atrymlivajecca, nam pakinuli tolki adzin tualet na druhim paviersie. Jak tak?» — aburajecca jon.
Staršynia praŭleńnia tavarystva «Handlovy centr «Lusterka» Dźmitry Samsonaŭ patłumačyŭ, što pamiaškańniami tualetaŭ na pieršym paviersie vałodaje kampanija «Palimiedhrup».
«Jany ciaham čatyroch hadoŭ nie apłačvali kamunalnyja pasłuhi. U ich vialikija daŭhi pierad tavarystam. Pry hetym jany zdavali pamiaškańnie ŭ arendu, atrymlivali prybytak ad płatnych tualetaŭ.
Kali ja staŭ staršynioj, pryniaŭ rašeńnie adklučyć u tualetach elektraenierhiju. Ja dumaŭ, što heta prastymuluje kiraŭnikoŭ kampanii spłacić daŭhi.
Adnak žadanych vynikaŭ heta nie dało. Tualety ciapier nie pracujuć. Rabotniki i naviedniki mohuć chadzić u biaspłatny tualet na druhim paviersie. A z «Palimiedhrup» my sudzimsia ŭžo kala dvuch hadoŭ, chacia b praz sudy sprabujem viarnuć daŭhi».
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary