Alaksandr Łukašenka svaim ukazam № 102 ad 15 sakavika zaćvierdziŭ novyja staŭki akcyzaŭ na naftapradukty da kanca 2019 hoda.
Pieršapačatkova na hety hod mierkavałasia źnizić staŭki akcyzaŭ na bienzin i dyzielnaje paliva na 25% u paraŭnańni z uzroŭniem akcyzaŭ, jakija dziejničali z 1 lipienia pa 31 śniežnia 2018 hoda. U Minfinie dadzienaje dziejańnie tłumačyli častkovaj kampiensacyjaj NPZ rostu cenaŭ na naftu va ŭmovach realizacyi «padatkovaha manieŭru» u Rasii (pamianšeńnie dachodaŭ biudžetu z-za hetaha składała 170,7 młn rubloŭ).
Ciapier staŭku akcyzu na bienzin, jaki nie adpaviadaje kłasu 5, zrobiać u pamiery 475,08 rubla za 1 tonu (raniej — 435,08, u 2018 hodzie — 580,11 rubla), na bienzin kłasa 5 — 292,59 rubla za 1 tonu (252,59 i 336,79 rubla adpaviedna), na dyzielnaje paliva, jakoje nie adpaviadaje kłasu 5, — 227,05 za 1 tonu (187,05 i 249,4 rubla), na dyzpaliva kłasa 5 — 178,33 za 1 tonu (138,33 i 184,44 rubla).
Pry hetym staŭka akcyza na zvadkavany vuhlevadarodny haz pavialičana ŭ 2 razy, da 108,42 rubloŭ za 1000 kub. mietraŭ
Raniej u Minfinie nie vyklučali mahčymaści admovy ad źbirańnia akcyzaŭ na bienzin i dyziel «dla zachavańnia prymalnaha dla ekanomiki i nasielnictva ŭzroŭniu roźničnych cen na paliva».
Z 17 sakavika ŭ Biełarusi aŭtamabilnaje paliva znoŭ padaražeła na adnu kapiejku. U «Biełnaftachimie» adznačyli, što z pačatku 2019 hoda košt rasijskaj nafty dla biełaruskich NPZ u dalaravym ekvivalencie vyras na 8,8%. Roźničnyja ceny na matornaje paliva za hety pieryjad pavialičany ŭ siarednim na 2%.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary