Były prezident Pieru 73-hadovy Alechandra Taleda byŭ zatrymany palicejskimi ŭ štacie Kalifornija za pjanstva ŭ restaranie ŭ akruzie San-Matea, ale nieŭzabavie adpuščany z pastarunku. Pra heta paviedamlaje Reuters sa spasyłkaj na kalifarnijskija ŭłady.
Ministerstva zamiežnych spraŭ Pieru paćvierdziła Reuters zatrymańnie byłoha prezidenta, adnak sam jon u intervju ahienctvu abvierhnuŭ hetuju infarmacyju. Pa słovach Taleda, heta častka zmovy, arhanizavanaj jaho palityčnymi apanientami.
U akruhovym ofisie šeryfa zajavili ahienctvu, što im viadoma ab prablemach Taleda z zakonam, ale «najaŭnaść abvinavačvańniaŭ u Pieru nie daje prava na jaho aryšt u ZŠA».
Taleda z 2017-ha pražyvaje ŭ Kalifornii, pakolki ŭ lutym taho ž hoda sud Pieru vydaŭ order na jaho aryšt. Tady ž kalifarnijski sud prysudziŭ eks-prezidenta da 18 miesiacaŭ papiaredniaha źniavoleńnia z-za rasśledavańnia spravy ab karupcyi. Adnak toj admoviŭsia padparadkavacca rašeńniu suda.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary