Uładzimir Zialenski značna umacavaŭ lidarstva ŭ pieradvybarnaj honcy va Ukrainie, śviedčać źviestki daśledavańnia, praviedzienaha hramadskaj arhanizacyjaj «Pieradavyja pravavyja inicyjatyvy». Za jaho hatovyja prahałasavać 34% vybarščykaŭ.
Varta adznačyć, adnak, što «Pieradavyja pravavyja inicyjatyvy» mohuć być źviazanyja ź miljarderam Iharam Kałamojskim, jaki padtrymlivaje Zialenskaha. A tamu ich ličby nie abaviazkova karektnyja. Bolšaść apytańniaŭ na siońnia dajuć Zialenskamu 24—27% hałasoŭ, a Parašenku i Cimašenka — ad 15 da 18%.
Jak śviedčać dadzienyja apytańnia, Zialenski lidziruje amal va ŭsich rehijonach. Najbolšuju padtrymku jamu hatovyja akazać žychary Dnieprapiatroŭskaj vobłaści (46% apytanych)
«Atrymanyja źviestki pakazvajuć dalejšy rost rejtynhu Uładzimira Zialenskaha, jaki maje upeŭnienyja šancy vychadu ŭ druhi tur prezidenckich vybaraŭ», — havorycca ŭ kamientary da vynikaŭ daśledavańnia.
Apytańnie pravodzili 16 sakavika siarod 164 tys. respandentaŭ na ŭsioj terytoryi Ukrainy «akramia AR Krym i asobnych terytoryj Łuhanskaj i Danieckaj abłaściej, jakija časova nie kantralujucca Ukrainaj». Daśledavańnie prachodziła pa mietodycy vialikich likaŭ šlacham intervjuiravańnia face-to-face i telefonnaha apytańnia, a taksama praz mabilnyja dadatki. Chibnaść vybarki nie pieravyšaje 1,5%.
Vybary prezidenta Ukrainy adbuducca 31 sakavika. U śpisie kandydataŭ 39 proźviščaŭ.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary