BPS-Śbierbank tak sustrenie Mižnarodny dzień klijenta. Top-mieniedžary banka 19 sakavika buduć absłuhoŭvać naviednikaŭ adździaleńniaŭ Minska i abłasnych centraŭ u jakaści finansavych kansultantaŭ.
Sustrakać klijentaŭ buduć siabry praŭleńnia banka. Top-mieniedžary prakansultujuć pa lubych pytańniach i pahutarać na temy asabistych finansaŭ. Tak bank choča padziakavać za supracu, pakazać značnaść kožnaha klijenta i atrymać zvarotnuju suviaź.
Top-kansultanta možna budzie sustreć u adździaleńni ŭ centry Minska (b-r Mulavina, 6) z 11 da 12 hadzin. U hety ž čas siabry praŭleńnia buduć adkazvać na pytańni haściej u Breście (vuł. Mickieviča, 10), Viciebsku (vuł. Lenina, 26/2), Homieli (vuł. Sialanskaja, 29a) i Hrodna (vuł. Pieršaha Maja, 2/2). Trochi raniej — z 10 da 11 hadzin — bankaŭskaja hiemba projdzie ŭ Mahilovie (pr-t Puškinski, 24).
Razam z top-mieniedžarami naviednikam buduć dapamahać biełaruskija artysty. U Minsku «zornuju kansultacyju» praviaduć Alaksandr Saładucha i Tea. U Breście budzie Hieorhij Kałdun, u Hrodnie — Jaŭhien Bułka, a ŭ Homieli — Alaksiej Chlastoŭ. Viciebsk naviedaje śpiavačka Ułada, a Mahiloŭ — Saša Nema.
Naviednikaŭ taksama čakajuć padarunki — knihi pa finansavaj piśmiennaści.
«My chočam padkreślić, nakolki važny dla nas kožny klijent, i jašče raz padziakavać tym, chto abraŭ nas u jakaści finansavaha partniora, chto nie zastajecca abyjakavym da dziejnaści banka i dapamahaje stvarać inavacyjnyja i pieradavyja pradukty. Najlepšy padarunak — viedać, što našy dziejańni majuć stanoŭčy vodhuk i adpaviadajuć čakańniam», — patłumačyŭ sutnaść inicyjatyvy staršynia praŭleńnia BPS-Śbierbanka Ihar Miarkułaŭ.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary