Nazyvać JEAES ekanamičnym sajuzam siońnia možna tolki avansam. Takoje mierkavańnie vykazaŭ namieśnik premjer-ministra Biełarusi Ihar Pietryšenka ŭ intervju haziecie «Źviazda», pieradaje BiełTA.
«Nazyvać ekanamičnym sajuzam naša intehracyjnaje abjadnańnie siońnia možna tolki avansam. Pakul my de-fakta znachodzimsia tolki na ŭzroŭni zony svabodnaha handlu, — adznačyŭ Ihar Pietryšenka. — Niemahčyma budavać ahulny rynak i adnačasova zachoŭvać na im pryvilejavanaje stanovišča nacyjanalnych subjektaŭ. Inakš heta ŭžo nie ciahnie na ahulny rynak. Heta prosta handal pamiž krainami».
«Pačynajučy intehracyju, my zychodzili z taho, što hatovyja razhladać tavary i kampanii adzin adnaho jak svaje ŭłasnyja ŭ kožnaj z krain. Pakul takoha niama. Vyjhrajuć ad hetaha, jak ni paradaksalna, trecija krainy, i my ŭsio bolš handlujem adzin z adnym u sajuzie nie tavarami ŭłasnaj vytvorčaści, a tavarami trecich krain. Kali ŭ 2011 hodzie ich dola va ŭzajemnym handli dziaržaŭ-členaŭ składała ŭsiaho 3,4%, to ŭ 2016-m — užo 8,4%, u 2,5 razu bolš», — skazaŭ vice-premjer.
Havoračy ab vynikach piacihodździa jeŭrazijskaj intehracyi, Ihar Pietryšenka adznačyŭ, što siońnia možna kanstatavać roznuju stupień dasiahnieńnia pastaŭlenych metaŭ: niešta vykanana ŭ vysokaj stupieni, niešta napałovu, a niešta całkam akazałasia zamarožanym.
«Na ŭnutranych tavarnych rynkach krainy-členy praciahvajuć užyvać adzin suprać adnaho nietaryfnyja abmiežavańni, dla prystojnaści zamaskiravanyja pad sanitarnyja, vieterynarnyja i fitasanitarnyja miery. Adabrańni z nacyjanalnaha režymu ŭ śfiery dziaržzakupak, jakija pieršapačatkova razhladalisia jak vyklučnyja miery, pačali prymianiacca sistemna i na pastajannaj asnovie,» — źviarnuŭ uvahu vice-premjer.
U sajuzie dziaržavami-členami aryjentavany zvaroty ŭ JEEK pa bolš čym 200 pieraškodach na ŭnutranych rynkach, viaducca składanyja i napružanyja kansultacyi dla ich likvidacyi. Pry hetym infarmacyja ab novych pieraškodach źjaŭlajecca chutčej, čym paśpiavajuć likvidavać staryja (pa 2018 hod likvidavali 13, a ŭ pracu dadałosia 19). Na rynkach pasłuh z ahulnaha rehulavańnia vypadajuć takija najvažniejšyja vidy, jak trubapravody, pieradača elektraenierhii, mižnarodnyja aŭtamabilnyja pieravozki.
Namieśnik premjer-ministra taksama kanstatavaŭ, što za minułyja 5 hadoŭ u JEAES praktyčna nie prasunulisia ŭ pytańniach ahulnych enierhietyčnych rynkaŭ, dziaržzakupak, pramysłovych subsidyj, šerahu inšych momantaŭ.
«Adnak naša kraina spadziajecca, što heta časovyja ciažkaści ŭ pracesie farmiravańnia poŭnamaštabnaha Jeŭrazijskaha ekanamičnaha sajuza, jakija buduć likvidavany dziakujučy štodzionnaj karpatlivaj pracy ŭsich dziaržaŭ-členaŭ i Jeŭrazijskaj ekanamičnaj kamisii», — reziumavaŭ Ihar Pietryšenka.
Akramia taho, na jaho mierkavańnie, nieabchodna ŭmacoŭvać paŭnamoctvy nadnacyjanalnych orhanaŭ, kab u ich byli miechanizmy prymusu dziaržaŭ-členaŭ da vykanańnia svaich abaviazacielstvaŭ.
«Nieabchodna adekvatna adreahavać na tyja prablemy, jakija vyleźli za čas funkcyjanavańnia sajuza, i papravić našu pravavuju bazu z tym, kab za parušeńni abaviazacielstvaŭ u ramkach JEAES dziaržavy-členy nieśli realnuju, materyjalnuju adkaznaść, jak heta praduhledžana ŭ našych zachodnich susiedziaŭ u Jeŭrapiejskim sajuzie,» — dadaŭ Ihar Pietryšenka.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary