U telehram-kanale Niechta źjaviłasia fota cikavaha daručeńnia. Zhodna ź im, ciapier mierapryjemstvy z udziełam kiraŭnika dziaržavy musiać mieć «tvorčyja i niestandartnyja padychody i formy».
Pry hetym «musić čotka prasočvacca ideałahičny składnik, jaki adlustroŭvaje važnaść sustreč».
«Tradycyjnyja formy i mietady ŭ pracy nad mierapryjemstvami z udziełam kiraŭnika dziaržavy ciapier nie prymajucca», — havorycca ŭ daručeńni premjer-ministra Siarhieja Rumasa.
Viadučy śpiecyjalist aparata Savieta ministraŭ Michaił Małachoŭski paćvierdziŭ praŭdzivaść dakumienta. Pa jaho słovach, heta vyklikana «žadańniem nie prymianiać staryja mietady».
«Vašym ci prezidenta?» — udakładniŭ karespandent «Našaj Nivy».
«Uzajemnym žadańniem», — adkazaŭ Małachoŭski.
Ci buduć niejkija sankcyi dla tych, chto praciahnie ładzić nie nadta kreatyŭnyja mierapryjemstvy, Małachoŭski paviedamić nie zmoh.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary