Z 23 lutaha pačałasia rekanstrukcyja vulicy Bahdanoviča ad mosta praź Śvisłač da vulicy Architektara Zaborskaha. Praz heta ruch na hetym učastku adbyvajecca tolki pa adnoj pałasie ŭ kožnym kirunku. Darožniki spadziajucca spravicca da maja. Adnak ciapier luboje DTZ na hetym adrezku pryvodzić da transpartnaha kałapsu.
Tak zdaryłasia i 18 sakavika. Jak pieradaje onliner.by, prykładna a 19-j, u hadzinu pik, la mosta praź Śvisłač zdaryłasia drobnaje DTZ. Jak akazałasia, adzin z aŭtamabilaŭ — udzielnikaŭ DTZ byŭ aformleny na jurasobu, tamu skłaści jeŭrapratakoł i chucieńka raźjechacca kiroŭcam nie ŭdałosia, daviałosia čakać DAI.
Utvaryŭsia ahromnisty zator. Ale kiroŭcy aŭtamabilaŭ, jakija trapili ŭ pastku, nie razhubilisia — vyjšli z aŭto, adsunuli adharadžalnyja błoki, takim čynam vyzvaliŭšy adnu pałasu, pa jakoj pastupova adnaviŭsia ruch tranpartu.
U DAI papiaredzili, što vychodzić na prajezdžuju častku zabaroniena, akramia miescaŭ, admysłova adviedzienych dla hetaha. Kali ź niejkaj pryčyny treba vyjści na darohu, rekamiendujecca vykarystoŭvać admysłovyja kamizelki, jakija pavyšajuć bačnaść čałavieka na darozie.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary