Pytańni stanu i dalejšaha raźvićcia rynku telekamunikacyj u Biełarusi vyniesieny na naradu ŭ Alaksandra Łukašenki, paviedamlaje pres-słužba.
Hetuju śfieru kiraŭnik dziaržavy nazvaŭ adnym z najbolš pierśpiektyŭnych siektaraŭ biełaruskaj ekanomiki. «Heta samaja chutkarosłaja halina. Z 2011 hoda jaje dola ŭ vałavym unutranym pradukcie vyrasła amal u dva razy, zabiaśpiečvaje pracaj kala 100 tys. čałaviek. Važna, što heta vysokatechnałahičnaja častka ekanomiki, jakaja nie maje patreby ni ŭ tannych nafcie, hazie ci inšych materyjalnych resursach. A značyć, jaje pośpiechi ŭmacoŭvajuć našu ekanamičnuju niezaležnaść», — padkreśliŭ biełaruski kiraŭnik.
Alaksandr Łukašenka adznačyŭ, što Biełaruś uvachodzić u hrupu krain z vysokim uzroŭniem raźvićcia IKT i adpaviednaj infrastruktury. «My źjaŭlajemsia lidaram na prastory SND, nie sastupajučy takim jeŭrapiejskim krainam, jak Italija, Partuhalija, Čechija», — skazaŭ jon.
«Kali ŭčora internet rečaŭ byŭ čymści abstraktnym, to siońnia abmien dadzienymi ŭ aŭtamatyčnym režymie, biez udziełu čałavieka pamiž roznymi sistemami ŭ ŽKH, pramysłovaści, transparcie, łahistycy staŭ absalutnaj realnaściu. Bolš za toje, telekamunikacyi prosta nieadździelnyja ad ličbavaj transfarmacyi ekanomiki. Tamu nam nieabchodna pahladzieć na toje, jak hetyja śfiery buduć raźvivacca va ŭzajemnaj uviazcy», — dadaŭ Alaksandr Łukašenka.
U suviazi z hetym jon pastaviŭ pierad udzielnikami narady pytańnie, jakija miery patrebnyja dla taho, kab nie prosta zachavać pazicyi ŭ suśvietnych rejtynhach, ale i palepšyć ich, a taksama što siońnia strymlivaje raźvićcio IKT u Biełarusi, jakija patrebnyja dadatkovyja rašeńni.
«Patrebna kankretyka biez usialakich razvah. Ale pry hetym chaču papiaredzić: jość šerah prapanoŭ, u tym liku pa inviestavańni ŭ hetu śfieru, chaciełasia b, kab vy nie pierakonvać mianie pryjšli ŭ niejkim varyjancie, a prapanoŭvali alternatyŭnyja. Pierakonvać mianie nie treba. U mianie jość peŭnyja krytery: kali heta vyhadna dziaržavie i narodu, ja zaŭsiody pahadžusia. Ale patrebnyja varyjanty», — reziumavaŭ Łukašenka.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary