Hałoŭny redaktar Ihar Vysocki syšoŭ z «BiełHaziety»
Ihar Vysocki pakinuŭ pasadu hałoŭnaha redaktara «BiełHaziety» i syšoŭ z vydańnia. Pra heta Jeŭraradyjo paviedamiŭ eks-dyrektar vydańnia, pravaabaronca Andrej Bandarenka.
19 sakavika ŭ kijoskach źjaviŭsia śviežy vypusk «BiełHaziety» z novymi rubrykami aŭtarstva nieznajomych žurnalistaŭ. U vychodnych dadzienych vykanaŭcam abaviazkaŭ hałoŭnaha redaktara paznačany Kirył Žyvałovič.
«Iharu Valerjeviču Vysockamu była pryznačanaja zarpłata ŭ 300 rubloŭ, paśla čaho jon adnaznačna admoviŭsia pracavać hałoŭnym redaktaram «BiełHaziety», — raskazaŭ Andrej Bandarenka.
«Palityka, jakaja pravodzicca Žyvałovičam, zhubna adbivajecca na haziecie, — pierakanany eks-dyrektar «BiełHaziety». — Nakolki mnie viadoma, užo zvolniŭsia adzin z hałoŭnych sudovych žurnalistaŭ Viktar Fiodaravič. Supracoŭnictva z vydańniem spyniŭ Dźmitryj Rastajeŭ i inšyja aŭtary.
Pierastali pracavać karektar i vypuskajučy redaktar. Faktyčna, staroha składu bolš niama. Nakolki mnie viadoma, 70 pracentaŭ materyjałaŭ pisaŭ sam Žyvałovič, bo pisać nie było kamu. Chto zajmaŭsia redakturaj i vypuskam haziety, mnie taksama nieviadoma. Situacyja vielmi ciažkaja. Paŭpłyvać na heta my nie možam. Toje, što my mahli zrabić, kab vyratavać hazietu, my zrabili. Jak jość, tak jość, što budzie, toje budzie».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary