Palityki anansavali śviatkavańnie Dnia Voli ŭ Kijeŭskim skviery Minska ŭ niadzielu, 24 sakavika
Lidary ruchu «Za svabodu», Abjadnanaj hramadzianskaj partyi, BCHD i BSDP («Hramada») akreślili farmat śviatočnych imprezaŭ, pryśviečanych Dniu Voli, paviedamlaje Radyjo Svaboda.
Jak paviedamiŭ staršynia ruchu «Za svabodu» Juraś Hubarevič na pres-kanfierencyi ŭ Minsku, 24 sakavika ŭ Kijeŭskim skviery adbudziecca kancert — jak taho i vymahaje śviatočny farmat, jaki letaś pryjšoŭ na źmienu palityčnamu kantekstu.
«Jašče na minułym tydni my padali ŭviedamleńnie ŭ Minharvykankam na placoŭku ŭ Kijeŭskim skviery, jakaja źmiaščaje nia mieniej ludziej, čym la Opiernaha teatra, — adznačyŭ Juraś Hubarevič. — Pačatak a 12-j, sama impreza pačniecca praz hadzinu. Budzie kancert biełaruskich vykanaŭcaŭ. Vydatki mohuć pieravysić bolš za 5 tysiač dalaraŭ, ale tałakoj sabrana srodkaŭ udvaja bolš, tamu pavinny ŭkłaścisia».
Uviečary 19 sakavika zajaŭniki zaprošanyja ŭ Minharvykankam, kab udakładnić farmat imprezy i miery biaśpieki. Udzielniki nahadali, što spačatku «Art-siadziba» i BNF «Adradžeńnie» padali zajaŭku na śviatkavańnie Dnia Voli na stadyjonie «Dynama», inšyja ruchi supolna prasili dazvolić kancert la Opiernaha teatra, adnak pryjšli admovy.
Nahadajem, što Arhkamitet «BNR'101», u jaki ŭvachodziać Pavieł Biełavus, Eduard Palčys prapanavali sustrakać Dzień Voli ŭ Hrodnie 23 sakavika. Uračystaja impreza adbudziecca ŭ Kałožskim parku.
Jak adśviatkavać Dzień Voli? Arhkamitet prapanuje z usich haradoŭ sabracca na kancert u Hrodnie i zładzić fiejervierki pa ŭsioj Biełarusi
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary