Lidar hurta «Okiean Jelzi» Śviatasłaŭ Vakarčuk zaklikaŭ ukraincaŭ hałasavać na vybarach prezidenta adkazna, a nie «pa prykole».
U videazvarocie na svajoj staroncy ŭ Facebook jon adznačyŭ, što svaboda — heta nie avantura.
«Budučyniu nielha vyjhrać u łatareju. Budučynia — heta nie prykoł. Jaje atrymlivajuć advažnyja, ale i adkaznyja. Budučynia, jak i los krainy, u našych rukach… Vybary prezidenta Ukrainy dla mianie nie «prykoł». Tysiačy našych suajčyńnikaŭ, u tym liku maładych ludziej, addavali svajo žyćcio i addajuć prosta zaraz dla taho, kab my z vami mahli volna vybirać», — zajaviŭ muzyka.
Choć u roliku Vakarčuk nie nazyvaŭ proźviščaŭ kandydataŭ, imavierna, havorka išła pra Uładzimira Zialenskaha.
Kiraŭnik vybarčaha štaba Zialenskaha Ivan Bakanaŭ zajaviŭ, što Vakarčuk pavinien spuścicca z hary i pryhledziecca da Uładzimira Zialenskaha, paviedamlaje LIGA.net.
«Mnohija ličać, što ŭ nas usia kampanija «pa prykole». Kali my vyrašyli ŭdzielničać, to razumieli, što heta adkazny praces dla ŭsich nas i dla Uładzimira Alaksandraviča. Nazad darohi niama. Tut usio vielmi surjozna. Žartaŭ užo niama», — skazaŭ jon.
Na dumku kaardynatara štaba Alaksandra Karnijenki, zajavy Vakarčuka źviazany ź nierazumieńniem sutnaści taho, što adbyvajecca vakoł kampanii Zialenskaha.
«Moža być, dla Śviatasłava z vysokaj hary, na jakoj jon siadzić, zdajecca, što heta vyhladaje jak prykoł, ale siońnia možna skazać: žarty skončylisia», — dadaŭ Karnijenka.
U svaju čarhu sam Zialenski ŭ adkaz na zajavu Vakarčuka apublikavaŭ u Instagram fota, na jakim jon ź inšymi členami 95 kvartała jaduć sasiski na zapraŭcy.
«Kab nie być «PA Prykole», vyrašyli być surjoznymi, jak usie», — padpisaŭ fota Zialenski.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim17
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary