Prydumlaje «zadańni» dla rabotnikaŭ MNS 32-hadovy žychar abłasnoha centra — mužčyna telefanavaŭ u słužbu 101 i paviedamlaŭ pra vydumanyja pažary na roznych abjektach, paviedamlajuć «Vićbičy».
Z pačatku hoda hety mužčyna ździejśniŭ piać zahadzia iłžyvych zvankoŭ, u jakich praŭdapadobna apisvaŭ zdareńni. Paśla jahonych paviedamleńniaŭ ratavalniki vysyłali aŭtacysterny, pažarnuju techniku. Naprykład, u balnicu, jak na abjekt padvyšanaj niebiaśpieki z masavym znachodžańniem ludziej, było adpraŭlena vosiem adzinak techniki, na «pažary» u žyłyja damy vyjazdžali pa dźvie aŭtacysterny. Usio heta — vialikija vydatki materyjalnych i čałaviečych resursaŭ i času.
Mužčyna, jaki zvaniŭ, pradstaŭlaŭsia čužym proźviščam (Dźmitryjeŭ). Paviedamlaŭ pra toje, što ŭ balnicy adbyvajecca pažar, jon vynies dvaich čałaviek, apisvaŭ zdareńnie. Ale na miescy vyśviatlałasia, što nijakaha pažaru niama. U svajo apraŭdańnie hramadzianin tłumačyŭ, što, ubačyŭšy padobnyja zdareńni ŭ filmie, vyrašyŭ pahladzieć, jak adreahujuć rabotniki MNS.
Na mužčynu skłali 5 pratakołaŭ.
«My vielmi hetaha chočam, my nastojvajem» — pres-sakratarka Łukašenki raskazała, ci pojdzie toj na nastupnyja vybary6
Kamientary