Jamu było 72 hady. Jon naradziŭsia ŭ vioscy Starčuny Pastaŭskaha rajona. U 22 hady staŭ staršynioj kałhasa — u tyja hady takoje byvała zvyšredka. U 42 hady atrymaŭ zvańnie Hieroja Sacyjalistyčnaj Pracy.
Sumnaj viestkaj padzialiłasia žurnalistka Śviatłana Dziadzinkina: «Nie stała Aleha Adolfaviča Vałodźki, našaha vydatnaha ziemlaka, Hieroja Sacyjalistyčnaj Pracy. Z 1968 hoda jon kiravaŭ haspadarkaj, jakaja stała adnoj z najlepšych u krainie, — kałhasam imia Suvorava Pastaŭskaha rajona. Siońnia heta SVK «Navasiołki-Łučaj». Pra toje, jak heta było, jon napisaŭ u svajoj knizie «Syn ziamli i nieba». Sapraŭdy, syn nieba (u 1989 hodzie Aleh Vałodźka byŭ inicyjataram adkryćcia miascovaha aerakłuba…) tryvała stajaŭ na ziamli — u pramym sensie lubiŭ chadzić basanož…
U pačatku nulavych adkryŭ pieršy prydarožny ahraekakompleks «Sałaŭiny haj» niedaloka ad pavarotu na v. Łučaj, na trasie R45 sa strausinaj fiermaj. Uspaminaju, jak šlachi-darohi pryviali mianie tudy za hazietnym materyjałam, ale tak i nie ŭhavaryła Aleha Adolfavič na intervju…
Dziŭny byŭ čałaviek.
Na pytańnie «Jakim, na vašu dumku, pavinien być siońniašni kiraŭnik na siale?» adkazaŭ: «Kłapacicca pra tych, za kaho adkazvaje».
Krajaznaŭca i historyk Kastuś Šytal taksama z pašanaj uzhadvaje Aleha Vałodźku: «Jon byŭ adnym z najlepšych sielskahaspadarčych kiraŭnikoŭ u rehijonie. Bolš za sorak hadoŭ jon kiravaŭ adnoj haspadarkaj u Pastaŭskim rajonie. Uvieś čas musiŭ supraćstajać biurakratyčnaj administracyjnaj sistemie, prymajučy rašeńni na karyść haspadarki. Naprykład, jon kuplaŭ u svoj kałhas zamiežnuju techniku, za što ciarpieŭ prydzirki z boku miascovaha čynavienstva. Ludzi ŭspaminajuć jaho dobrym słovam».
Cikavy fakt: pra naradžeńni jaho nazvali Adolfam, jak i tatu. Ale być Adolfam paśla Druhoj suśvietnaj było niepryjemna, i jon pamianiaŭ imia na Aleh.
Byŭ deputatam Viarchoŭnaha Savieta SSSR i svoj status aktyŭna vykarystoŭvaŭ dla zdabyćcia inviestycyj u svaju haspadarku.
Ale što vyznačalnaje: ludzi ŭspaminajuć jaho tolki dobrym słovam.
-
Vyjšaŭ na volu hrodzienski biznesmien, jaki ŭ 2020-m paskardziŭsia na siłavikoŭ
-
Dziaŭčynu ŭ Homieli ledź nie źbili na piešachodnym pierachodzie, ale jana niby i nie zaŭvažyła VIDEA
-
«Hibryd zazdraŭnaha malebnu i zaŭpakojnaj licii». Da 3 lipienia BPC skłała słužbu, supiarečnuju kanonam i zdarovamu sensu
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia1
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia
Rasiejskaja armija rychtuje novy ŭdar pa ŭkrainskaj abaronie — navat bolš mahutny, čym šturm Aŭdziejeŭki13
Kamientary