U Leninski RUUS stalicy źviarnuŭsia 28-hadovy žychar mikrarajona «Sierabranka», jaki patłumačyŭ, što ŭ jaho z aŭtamabila vykrali hrošy, piša Źviazda.
Padčas razboru było ŭstanoŭlena, što napiaredadni kradziažu mužčyna znachodziŭsia ŭ haściach u svajoj znajomaj, dzie jany raśpivali śpirtnyja napoi. Pryčynaj «zastolla» staŭ abmien staroha aŭtamabila na novy z dapłataj. U chodzie raśpivańnia mužčyna zasnuŭ, a haspadynia kvatery, skarystaŭšysia situacyjaj, uziała klučy ad aŭtamabila i skrała hrošy, jakija lažali ŭ «bardačku» (200 dołaraŭ i 150 rubloŭ).
Paśla hetaha jany ź siabroŭkaj pajechali ŭ restaran i patracili skradzienuju sumu, paviedamili Leninskaha RUUS h. Minska. Kali mužčyna sabraŭsia jechać dadomu, jon vyjaviŭ prapažu hrošaj. Paciarpieły paprasiŭ viarnuć srodki, adnak haspadynia kvatery patłumačyła, što nie brała ich. Paśla hetaha mužčyna i źviarnuŭsia z zajavaj u milicyju.
Za kradziež žančyna moža atrymać maksimalnaje pakarańnie ŭ vyhladzie pazbaŭleńnia voli terminam da troch hadoŭ.
Kamientary