Halivudski akcior Džordž Kłuni zaklikaŭ da bajkotu hatelaŭ, jakija naležać uładam Brunieja, u suviazi ź ich rašeńniem ŭvieści ŭ krainie śmiarotnaje pakarańnie za adnapoły seks i šlubnuju zdradu. Pra heta havorycca ŭ kałoncy akciora ŭ vydańni Deadline.
Havorka idzie pra dzieviać hatelaŭ u Vialikabrytanii, ZŠA, Francyi i Italii. Kłuni zajaviŭ, što jany naležać bruniejskamu inviestycyjnamu ahienctvu, padkantrolnaha sułtanu Brunieja Chasanału Bałkiachu.
«Kožny raz, kali my spyniajemsia ŭ lubym z hetych hatelaŭ ci pravodzim tam sustrečy, my addajom hrošy ludziam, jakija źbirajucca zabivać svaich hramadzian da śmierci za toje, što jany hiei ci abvinavačvajucca ŭ šlubnaj zdradzie», - napisaŭ Kłuni.
Jon adznačyŭ, što raniej u Łos-Andželesie ŭžo bajkatavali hateli The Bel-Air i The Beverly Hills Hotel z-za parušeńnia pravoŭ homaseksuałaŭ u Bruniei.
Hoły mužčyna pierabieh z Polščy ŭ Biełaruś, ruch na miažy na paru hadzin pierakryvali9
Kamientary